2023 جىلدىڭ باسىنان 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە جاڭا بيزنەس-يدەيالاردى ىسكە اسىرۋ ءۇشىن 9 093 گرانت بەرىلدى، دەپ حابارلايدى almaty-akshamy.kz
2023 جىلعى 11 قىركۇيەكتەن باستاپ 22 قىركۇيەككە دەيىن گرانتتاردىڭ ءۇشىنشى لەگى بويىنشا وتىنىمدەر قابىلداندى. بۇگىنگى تاڭدا ۇمىتكەرلەردىڭ وتىنىشتەرىن قاراۋ جونىندەگى كوميسسيا ءوز جۇمىسىن اياقتادى، كەلىسىمشارتتارعا قول قويۋ جانە گرانت الۋشىلارعا قاراجات اۋدارۋ پروسەسى جالعاسۋدا.
گرانتتاردىڭ ءۇشىنشى لەگى اياسىندلا ۇمىتكەرلەردەن بارلىعى 15،5 مىڭ، ونىڭ ىشىندە كوپبالالى وتباسىلاردان – 9 مىڭ، مۇگەدەكتىگى بار ادامداردان – 3 مىڭ، مۇگەدەكتىگى بار بالاعا كۇتىم جاسايتىن ادامداردان – 1،9 مىڭ، اتاۋلى الەۋمەتتىك كومەك الۋشىلاردان – 771 ءوتىنىش قابىلداندى. سونداي-اق، اسىراۋشىسىنان ايىرىلعان 586 ادام، 57 قانداس جانە 196 قونىس اۋدارۋشى ءوتىنىش بەردى.
وتىنىمدەردىڭ ەڭ كوبى تۇركىستان (3،7 مىڭ)، جامبىل (2،1 مىڭ)، قىزىلوردا (1،8 مىڭ) وبلىستارىنىڭ جانە شىمكەنت قالاسىنىڭ (1،8 مىڭ)، ەڭ ازى ۇلىتاۋ (120) جانە قوستاناي (104) وبلىستارىنىڭ ۇمىتكەرلەرىنەن كەلىپ ءتۇستى.
گرانتتاردى ەڭبەك موبيلدىلىگى ورتالىقتارى گرانت الۋعا ۇمىتكەرلەردىڭ وتىنىشتەرىن قاراۋ جونىندەگى اۋداندىق/قالالىق كوميسسيانىڭ شەشىمى نەگىزىندە بەرەدى.
ۇمىتكەرلەر وزدەرىنىڭ بيزنەس-جوبالارىن كوميسسيا وتىرىستارىندا تانىستىرادى. كوميسسيا وتىرىسىنىڭ وتكىزىلەتىن ورنى، كۇنى مەن ۋاقىتى تۋرالى حابارلاما Business.enbek.kz پورتالىندا گرانت الۋعا ءوتىنىش بەرۋشىنىڭ جەكە كابينەتىندە كورسەتىلەدى.
بۇل رەتتە كوميسسيانىڭ ءاربىر مۇشەسى بيزنەس-جوسپاردى باعالايدى جانە باعالاۋ پاراعىن مىناداي كريتەرييلەر بويىنشا تولتىرادى: بيزنەس-يدەيانىڭ باسەكەگە قابىلەتتىلىگى، وتكىزۋ نارىقتارىنىڭ پىسىقتالۋى، بيزنەس-جوبانىڭ قارجىلىق ومىرشەڭدىگى، كاسىپكەرلىك داعدىلاردىڭ دەڭگەيى، جاڭا جۇمىس ورىندارىن قۇرۋ.
وسىلايشا، گرانت بەرۋ تۋرالى شەشىم كوميسسيالىق جانە ۇمىتكەرلەردىڭ بيزنەس-جوبالارىنىڭ پىسىقتالۋىن باعالاۋدىڭ ناقتى كريتەرييلەرى نەگىزىندە قابىلدانادى.
كوميسسيانىڭ شەشىمى ۇمىتكەردىڭ Business.enbek.kz پورتالىنداعى جەكە كابينەتىنە جىبەرىلەدى. كوميسسيا وڭ شەشىم قابىلداعان جاعدايدا ۇمىتكەر سالىق ورگاندارىندا ءوز قىزمەتىن تىركەيدى، بانكتىك دەرەكتەمەلەردى ۇسىنادى، شارتقا قول قويادى جانە ودان ءارى توقسان سايىن بولىنگەن قاراجاتتىڭ پايدالانىلۋى تۋرالى ەسەپتەردى ۇسىنادى. مۇنىڭ ءبارى ەڭبەك موبيلدىلىگى ورتالىقتارىنا بارماي-اق، ەلەكتروندىق فورماتتا جاسالادى.