ەلىمىزدە ءبىر ايدا 1،9 ترلن تەڭگەگە جاڭا كرەديت بەرىلگەن

سوڭعى ايدا بەرىلگەن كرەديت ۇلەسى 5،5%-عا ارتقان

قارجى نارىعىن رەتتەۋ جانە دامىتۋ اگەنتتىگىنىڭ مالىمەت بويىنشا، ەلىمىزدە 2022 جىلعى ناۋرىزدا 1،9 ترلن تەڭگەگە جاڭا كرەديتتەر بەرىلدى. بۇل وتكەن اقپان ايىنا قاراعاندا 5،5%-عا كوپ، دەپ حابارلايدى Almaty-akshamy.kz Inform.kz-كە سىلتەمە جاساپ.

قارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ. اگەنتتىكتىڭ مالىمەتىنشە، ەكونوميكاعا كرەديتتەر 2022 جىلعى ناۋرىزدا 0،6%-عا ۇلعايىپ، 19،2 ترلن تەڭگەنى قۇرادى. 2022 جىلعى ناۋرىزدا جەكە تۇلعالارعا بەرىلگەن كرەديتتەر 1،2%-عا 11،2 ترلن تەڭگەگە دەيىن ۇلعايدى، ال زاڭدى تۇلعالارعا بەرىلگەن كرەديتتەر 0،2%-عا 8،1 ترلن تەڭگەگە دەيىن تومەندەگەن «2022 جىلعى ناۋرىزدا ۇلتتىق ۆاليۋتاداعى كرەديتتەر كولەمى 1،7%-عا 17،4 ترلن تەڭگەگە دەيىن ۇلعايدى، شەتەل ۆاليۋتاسىنداعى كرەديتتەر كولەمى، نەگىزىنەن، تەڭگەنىڭ ايىرباستاۋ باعامىنىڭ 5،7%-عا (ءبىر دوللار ءۇشىن 495،0 تەڭگەدەن 467،0 تەڭگەگە دەيىن) نىعايۋى ناتيجەسىندە 8%-عا 1،9 ترلن تەڭگەگە دەيىن تومەندەدى.

2022 جىلعى 1 ناۋرىزدا تەڭگەمەن كرەديتتەردىڭ ۇلەس سالماعى 90،3%-دى قۇرادى. 2022 جىلعى ناۋرىزدا 1،9 ترلن تەڭگەگە جاڭا كرەديتتەر بەرىلدى، بۇل 2022 جىلعى اقپانعا قاراعاندا 5،5%-عا كوپ»، - دەلىنگەن حابارلامادا.

سونىمەن قاتار ناۋرىز ايىنىڭ قورىتىندىسى بويىنشا 90 كۇننەن استام مەرزىمى وتكەن بەرەشەگى بار كرەديتتەردىڭ ۇلەسى كرەديت پورتفەلىنىڭ جالپى كولەمىنىڭ 3،6%-ن قۇرادى (2022 جىلدىڭ باسىندا – 3،3%). شاعىن جانە ورتا بيزنەستى ەسەپكە العاندا زاڭدى تۇلعالاردىڭ پورتفەلىندە 90 كۇننەن استام مەرزىمى وتكەن بەرەشەگى بار قارىزداردىڭ دەڭگەيى 4،3%-دى قۇرادى (2022 جىلعى قاڭتاردا – 3،4%). جەكە تۇلعالاردىڭ پورتفەلىندە – 3،7% (2022 جىلعى قاڭتاردا – 3،7%). 90 كۇننەن استام مەرزىمى وتكەن بەرەشەگى بار كرەديتتەردى پروۆيزيالارمەن وتەۋ دەڭگەيى 74،9%-دى قۇرادى.