ۇكىمەت باسشىسى زاماناۋي سۋارۋ تەحنولوگيالارىن ەنگىزۋ بويىنشا جۇمىستى جانداندىرۋ قاجەتتىگىن اتاپ ءوتتى.
ونىڭ ايتۋىنشا، بۇل سۋ شىعىنىن ازايتىپ، ونىمدىلىكتى ارتتىرۋعا مۇمكىندىك بەرەدى. بۇل تۋرالى ۇكىمەت وتىرىسىندا ايتىلدى، دەپ حابارلايدى Almaty-akshamy.kz.
«ەلىمىزدىڭ قۇبىلمالى كليماتىنا بەيىمدەلگەن جەرگىلىكتى سورتتاردى وسىرۋگە ەرەكشە كوڭىل ءبولۋ كەرەك. بيدايدىڭ جاڭا سورتتارىن ءوسىرۋ جۇمىستارى ناشار جۇرۋدە. اگرارلىق عىلىمي جۇيەنى تۇبەگەيلى قايتا قاراۋ قاجەت»، — دەدى ول.
پرەمەر-مينيستردىڭ ايتۋىنشا، اۋىل شارۋاشىلىعى تەحنيكالارىنىڭ پاركىن جاڭارتۋ ماسەلەسى دە وزەكتى، ويتكەنى ابدەن توزىعى جەتكەن تەحنيكا ەگىس جۇمىستارىنىڭ ساپاسىنا دا اسەر ەتەدى.
وسىعان بايلانىستى ءاليحان سمايىلوۆ اگروونەركاسىپ كەشەننىڭ، ونىڭ ىشىندە ءداندى داقىلداردىڭ وتاندىق سەلەكسياسىنىڭ عىلىمي الەۋەتىن دامىتۋ جونىندە ناقتى ۇسىنىستار، سونداي-اق اۋىل شارۋاشىلىعى تەحنيكاسى پاركىن جاڭارتۋ بويىنشا قوسىمشا ىنتالاندىرۋ شارالارىن ازىرلەۋدى تاپسىردى.