ەلىمىزدە ءۇشىنشى سۇرىپتى بيداي باعاسى تونناسىنا 91 مىڭ تەڭگەگە دەيىن قىمباتتادى. ەكىنشى سۇرىپتى بيدايدىڭ قۇنى 93 مىڭ 200 تەڭگە، 1 سۇرىپتى بيدايدىڭ قۇنى 95 مىڭ 500 تەڭگەگە جەتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
2-كلاستى بيداي 1200 تەڭگەگە قىمباتتادى جانە ءقازىر 1 تونناسى 93200 تەڭگە تۇرادى. 1-كلاستى بيداي باعاسى 1000 تەڭگەگە ءوستى – بۇگىن ونىڭ 1 تونناسى 95500 تەڭگەگە ساتىلىپ جاتىر.
ايتا كەتەيىك، ءبىر اپتا بۇرىن قازاقستان بيلىگى رەسەيدىڭ ارزان استىعىن ەلگە اۆتوكولىكپەن اكەلۋگە التى ايعا تىيىم سالۋ تۋرالى شەشىم قابىلدادى. بۇل جەرگىلىكتى فەرمەرلەر ءۇشىن بيداي باعاسىن كوتەرۋ ماقساتىندا جاسالدى. حابارلانعانداي، وتكەن اپتادا قاتتى سۇرىپتى ساپالى بيدايدىڭ 1 تونناسى ءۇشىن 87 مىڭ تەڭگە ۇسىنىلدى. قويمالاردا ونداعان مىڭ توننا استىق جاتقانىنا قاراماستان، فەرمەرلەر ءونىمدى ساتۋعا اسىقپادى.