جەكە تۇلعالارعا بەرىلەتىن كرەديت كولەمى جىل سايىن ارتىپ كەلەدى.
ەلىمىزدە بەرەشەگى 90 كۇننەن اسىپ كەتكەن قارىز كولەمى ءوستى، دەپ حابارلايدى اlmaty-akshamy.kz قارجى نارىعىن رەتتەۋ جانە دامۋ اگەنتتىگىنە سىلتەمە جاساپ.
2022 جىلعى 1 جەلتوقسانداعى جاعداي بويىنشا، بانك سەكتورى بويىنشا 90 كۇننەن استام مەرزىمى وتكەن بەرەشەگى بار قارىزداردىڭ (NPL90+) دەڭگەيى جالپى نەسيە پورتفەلىنىڭ 3،6%-ىن نەمەسە 850 ملرد تەڭگەنى قۇرادى. بۇل كورسەتكىش 2022 جىلعى 1 قاڭتاردا 3،3% نەمەسە 669 ملرد تەڭگە بولعان ەدى.
«سونىمەن قاتار، جەكە تۇلعالارعا بەرىلەتىن كرەديتتەر 2022 جىلعى قاراشادا 3،8%-عا ۇلعايىپ، 13،9 ترلن تەڭگەنى قۇرادى (2022 جىلدىڭ باسىنان بەرى 29،4%-عا ءوستى). جەكە تۇلعالارعا ارنالعان كرەديتتەردىڭ وسۋىنە جەڭىلدەتىلگەن مەملەكەتتىك يپوتەكالىق باعدارلامالاردى ىسكە اسىرۋدى جالعاستىرۋ ناتيجەسىندە يپوتەكالىق كرەديتتەۋدىڭ 2،1%-عا 4،5 ترلن تەڭگەگە دەيىن ۇلعايۋى، سونداي-اق تۇتىنۋشىلىق قارىزداردىڭ 4،4%-عا7،6 ترلن تەڭگەگە دەيىن ءوسۋى سەبەپ بولدى»، - دەلىنگەن اگەنتتىك حابارلاماسىندا.