بالاباقشا كەزەگىندە نەشە بالا تۇر؟
رەسپۋبليكا بويىنشا بالاباقشاعا بارۋى ءتيىس 250 مىڭنان استام بالا كەزەكتە تۇر، دەپ حابارلايدى Almaty-akshamy.kz
بۇل تۋرالى ق ر وقۋ-اعارتۋ مينيسترلىگى مەكتەپكە دەيىنگى ءبىلىم دەپارتامەنتىنىڭ ديرەكتورى ناتاليا جۇمادىلدايەۆا ايتتى.
"بۇگىندە رەسپۋبليكادا 11104 مەكتەپكە دەيىنگى ۇيىم جۇمىس ىستەيدى. ولارعا 1 ملن 115 مىڭ 460 بالا بارادى. بالاباقشالار، شاعىن ورتالىقتار مەن ءبىلىم وردالارىنىڭ مەكتەپالدى توپتارىندا 336 614 بالاعا مەكتەپالدى دايارلىق توپتارى ۇيىمداستىرىلعان"، - دەدى سپيكەر.
ونىڭ سوزىنشە، ەلىمىزدە سوڭعى 4 جىلدا بالاباقشاعا تۇرۋ كەزەگى ەكى ەسەگە ازايدى.
"2-6 جاستاعى بالالاردى قامتۋ – 89،4%، 3-6 جاستاعى بالالاردى قامتۋ 98،3%-دى قۇرادى. دەسەك تە، بالاباقشا كەزەگى ءالى ساقتالۋدا. 2022 جىلدىڭ اياعىندا رەسپۋبليكا بويىنشا 1-6 جاستاعى 250 مىڭنان استام بالا كەزەكتە تۇر. مەملەكەت باسشىسى قويعان مىندەتتەردى ىسكە اسىرۋ اياسىندا 3 جىل ىشىندە 222 340 جاڭا ورىن اشۋ جوسپارلانىپ وتىر"، - دەدى ناتاليا جۇمادىلدايەۆا.