بالا كۇتىمى بويىنشا تولەمدەردى 760 مىڭ انا الادى
قازاقستاندىقتارعا بالا كۇتىمى بويىنشا مەملەكەتتىك جاردەماقى مەن الەۋمەتتىك تولەم تۇرىندە 60 ملرد-تان استام تەڭگە تولەندى، دەپ حابارلايدى Almaty-akshamy.kz.
2023 جىلدىڭ ءبىرىنشى توقسانىندا 436 مىڭنان استام قازاقستاندىق رەسپۋبليكالىق بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان 1،5 جاسقا دەيىنگى بالا كۇتىمى بويىنشا الەۋمەتتىك تولەم الدى.
بۇل ماقساتقا 60،6 ملرد تەڭگە باعىتتالدى.
1 ساۋىردەگى جاعداي بويىنشا، 1،5 جاسقا دەيىنگى بالا كۇتىمى بويىنشا اي سايىن رەسپۋبليكالىق بيۋدجەتتەن جاردەماقى الاتىن، جۇمىس ىستەمەيتىن ايەلدەر سانى ورتا ەسەپپەن 92 879 مىڭ بولدى، ولارعا 7،9 ملرد تەڭگە تولەندى.
وسى جاردەماقىنىڭ مولشەرى بالانىڭ كەزەكتىلىگىنە بايلانىستى، بۇگىنگى كۇنى جاردەماقى 5،76 اەك-تەن (2023 جىلى – 19 872 تەڭگە) 8،90 اەك-كە دەيىن (2023 جىلى – 30 705 تەڭگە).
1،5 جاسقا دەيىنگى بالا كۇتىمى بويىنشا اي سايىنعى تولەمنىڭ ورتاشا مولشەرى - 48 511 مىڭ تەڭگە.
بۇگىنگى تاڭدا بۇل تولەمدى جالپى سوماسى 52،7 ملرد تەڭگەگە 343 241 مىڭ ادام الدى.
ەستەرىڭىزگە سالا كەتەيىك، بيىل 1 قاڭتاردان باستاپ مەملەكەت باسشىسىنىڭ تاپسىرماسى بويىنشا بالا كۇتىمى بويىنشا مەملەكەتتىك جاردەماقى مەن الەۋمەتتىك تولەم تولەۋ مەرزىمى ءبىر جىلدان ءبىر جارىم جىلعا دەيىن ۇلعايدى.
بۇل نورما بالالى وتباسىلارعا الەۋمەتتىك قولداۋدى كۇشەيتۋ ماقساتىندا ق ر الەۋمەتتىك كودەكسىندە كوزدەلگەن.
جىل سوڭىنا دەيىن بالا كۇتىمى بويىنشا تولەمدەردى 760 مىڭ انا الادى دەپ جوسپارلانعان. بۇل ماقساتقا 334،5 ملرد تەڭگە قاراستىرىلعان.