ارنايى بۇيرىققا قول قويىلدى.
باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك ءجۇمانعاريننىڭ «قازاقستان اۋماعىنداعى اۆتوگاز قۇيۋ ستانسيالارىندا اۆتوكولىككە جانارماي قۇيۋ ءۇشىن سۇيىتىلعان مۇناي گازىن بولشەك ساۋدادا وتكىزۋگە ۋاقىتشا مەملەكەتتىك باعا رەتتەۋدى ەنگىزۋ تۋرالى» بۇيرىعى جاريالاندى، دەپ حابارلايدى Almaty-akshamy.kz Egemen.kz سىلتەمە جاساپ.
«قازاقستان اۋماعىنداعى اۆتوگاز قۇيۋ ستانسيالارىندا اۆتوكولىككە جانارماي قۇيۋ ءۇشىن سۇيىتىلعان مۇناي گازىن بولشەك ساۋدادا وتكىزۋگە ۋاقىتشا مەملەكەتتىك باعا رەتتەۋ ەنگىزىلسىن.
وسى بۇيرىققا قوسىمشاعا سايكەس قازاقستان اۋماعىنداعى اۆتوگاز قۇيۋ ستانسيالارىندا اۆتوكولىككە جانارماي قۇيۋ ءۇشىن سۇيىتىلعان مۇناي گازىن بولشەك ساۋدادا وتكىزۋگە شەكتى باعالار بەلگىلەنسىن.
قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ اۋماقتىق بولىمشەلەرى قازاقستان رەسپۋبليكاسىنىڭ اۋماعىنداعى اۆتوگاز قۇيۋ ستانسيالارىندا اۆتوكولىككە جانارماي قۇيۋ ءۇشىن سۇيىتىلعان مۇناي گازىن بولشەك ساۋدادا وتكىزۋدى جۇزەگە اسىراتىن تۇلعالار بەلگىلەنگەن شەكتى باعالاردان اسىپ كەتكەن جاعدايدا ۇيعارىمدار شىعارسىن جانە ولار ورىندالماعان جاعدايدا قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 162-بابىنا سايكەس اكىمشىلىك جاۋاپتىلىققا تارتسىن.
قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ وتىن-ەنەرگەتيكا كەشەنى دەپارتامەنتى زاڭنامادا بەلگىلەنگەن تارتىپپەن وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە وسى بۇيرىقتىڭ قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن»، - دەلىنگەن قۇجاتتا.
بۇيرىق 2022 جىلعى 6 شىلدەدەن باستاپ 2023 جىلعى 1 قاڭتارعا دەيىن قولدانىلادى.