فەرمەرلەر بۇل مال باعاسىنىڭ تومەندىگىنەن دەيدى.
سونداي-اق ەلىمىزدە بيىل تامىز ايىندا قايتا كۇشىنە ەنگەن ءىرى قارا مالدى تىرىدەي ەكسپورتتاۋعا شەكتەۋلەردىڭ سالدارى دەگەن وي ايتتى، دەپ حابارلايدى Almaty-akshamy.kz «حابار 24» سايتىنا سىلتەمە جاساپ.
ءبىراق ەت وڭدەۋشىلەر بۇل شەكتەۋدى قولدايدى. بيىل قازاقستاندا اسىل تۇقىمدى مال ساۋداسى ءۇش ەسە تومەندەدى. ويتكەنى شارۋالاردىڭ قارجىسى جوق. سالدارىنان سۇرانىس تومەندەدى، - دەيدى قازاقتىڭ اقباس تۇقىمدى سيىرلار رەسپۋبليكالىق پالاتاسىنىڭ ديرەكتورلار كەڭەسىنىڭ ءتوراعاسى قۋانىش سۇلەيمەنوۆ. ونىڭ ايتۋىنشا، ادامدار قاراپايىم جەم ءشوپ الا المايدى. جالپى اسىل تۇقىمدى ءونىمنىڭ باعاسى وتكەن جىلدان باستاپ كوتەرىلمەگەن. ال قازىرگى باعا فەرمەرلەر ءۇشىن ءتيىمسىز. دەگەنمەن شارۋالار نەسيەلەرىن جاۋىپ، باسقا دا ماۋسىمدىق جۇمىستارىن اياقتاۋ ءۇشىن ساتۋعا ءماجبۇر،- دەيدى ول. «شوپان-اتا اگرو-قوزعالىسىنىڭ» ءتوراعاسى الماسبەك سادىربايدىڭ دا ويى وسى تۇستان شىعادى. «كۇزدە شارۋالارعا قارجى كەرەك. سوندىقتان ءتىرى مال ەكسپورتىن شەكتەۋ اۋىلداعى اعايىنعا قيىن تيەدى»،- دەيدى ول.
«ەگەر ستاتيستيكاعا سۇيەنسەك ءبىز مالدىڭ باسى ازايعانىن كورىپ وتىرعان جوقپىز. ءبىراق سىرتقا ەكسپورت ازايدى. ويتكەنى بىلتىرعى جىلعى اۋىل شارۋاشىلىعى مينيسترلىگىنىڭ جانە ساۋدا جانە ينتەگراسيا مينيسترلىگىنىڭ شەكتەۋىمەن ءبىز ەكسپورتقا تىرىدەي مال شىعارعاندى قويدىق. ءبىر جاعى ول جاقسى دا. تىرىدەي ەكسپورتقا مال شىعارۋعا بولمايدى. ءبىراق اسىل تۇقىمدى مالدىڭ قۇندىلىعى ول ەتكە كەتىپ بارا جاتقان جوق. ول جاقسى نارىقتىق باعاعا ساتىلىپ بارا جاتىر»، - دەيدى «شوپان-اتا اگرو قوزعالىسى» ءتوراعاسى الماسبەك سادىرباي،