جاڭا وقۋ جىلىندا بولاتىن وزگەرىستەر
1-2 كۋرس ستۋدەنتتەرى ءۇشىن ساباق كەشىرەك باستالماق. بۇل تۋرالى ق ر ءبىلىم جانە عىلىم ۆيسە-مينيسترى قۋانىش ەرعالييەۆ مالىمدەدى، دەپ حابارلايدى almaty-akshamy.kz.
بۇگىن ورتالىق كوممۋنيكاسيالار قىزمەتىنىڭ الاڭىندا «جاڭا وقۋ جىلىنىڭ باستالۋى» جونىندە بريفينگ ءوتتى. وندا وقۋ جىلىن قاتاڭ سانيتارلىق-ەپيدەميولوگيالىق تالاپتاردى ساقتاي وتىرىپ، شتاتتىق فورماتتا باستاۋ جوسپارلانىپ وتىرعانى ايتىلدى.
«ستۋدەنتتەردىڭ اراقاشاقتىعىن ساقتاۋ جانە جينالۋىنا جول بەرمەۋ ءۇشىن كاسكادتى ءادىس قولدانىلادى. ياعني وقۋ جىلى ءار كۋرس ءۇشىن ءار ءتۇرلى ۋاقىتتا باستالادى. مىسالى، 3-4 كۋرس ستۋدەنتتەرىنە - 1 قىركۇيەكتەن، ال 1-2 كۋرستار مەن ماگيسترانتتار ءۇشىن قىركۇيەكتەن، ءبىراق بەكىتىلگەن اكادەميالىق كۇنتىزبە بويىنشا 30 قىركۇيەكتەن كەشىكتىرىلمەي باستالادى»، - دەدى قۋانىش ەرعالييەۆ.