قۇجات 21 ماۋسىمعا دەيىن قوعامدىق تالقىلاۋ ءۇشىن اشىق نقا ۆەب-سايتىندا جاريالانعان
ەكولوگيا مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى جانۋارلار دۇنيەسىن پايدالانۋعا رۇقسات بەرۋ قاعيدالارىنا وزگەرىستەر مەن تولىقتىرۋلار ەنگىزەتىن بۇيرىق جوباسىن دايىندادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
اتاپ ايتقاندا، جانۋارلار دۇنيەسiن پايدالانۋعا رۇقسات جانۋارلار دۇنيەسiن ارنايى پايدالانۋدىڭ مىناداي تۇرلەرiنە بەرiلەتiن تاراۋ «كيiكتەر كوللەكسياسى» تارماقشاسىمەن تولىقتىرىلدى.
سونىمەن قاتار تاراۋ اڭشىلىققا، كاسىپتىك بالىق اۋلاۋعا، اۋەسقويلىق (سپورتتىق) بالىق اۋلاۋعا، عىلىمي-زەرتتەۋ بالىق اۋلاۋعا، مەليوراتيۆتىك بالىق اۋلاۋعا، ءوسىمىن مولايتۋ ماقساتىندا بالىق اۋلاۋعا، جانۋارلاردى عىلىمي، مادەني، تاربيەلىك، ەستەتيكالىق ماقساتتاردا پايدالانۋعا، سونىمەن قاتار رۇقساتتار تۋرالى تولىقتىرىلدى. ونىمەن قوسا جانۋارلار تۇرلەرىن رەپرودۋكتيۆتى ماقساتتاردا پايدالانۋ ەپيزووتيالىق اۋرۋلاردىڭ الدىن الۋ، اقبوكەندەردىڭ دەريۆاتىن جيناۋ ماقساتىندا قولدانىلادى.
مەملەكەتتىك قىزمەت مىنا مەكەمەلەر ارقىلى كورسەتىلەدى:
• ەكى نەمەسە ودان دا كوپ وبلىستىڭ اۋماعىندا ورنالاسقان بالىق شارۋاشىلىعى سۋ ايدىندارىندا بەلگiلەنگەن شەكتەردە جانە كۆوتالاردا عىلىمي-زەرتتەۋ بالىق اۋلاۋدى قوسپاعاندا جەرگiلiكتi اتقارۋشى ورگاندارى ارقىلى؛
• ەكى جانە ودان دا كوپ وبلىستا ورنالاسقان بالىق شارۋاشىلىعى سۋ ايدىندارىندا عىلىمي-زەرتتەۋ بالىق اۋلاۋ ماقساتىندا بالىق رەسۋرستارىن جانە باسقا دا سۋ جانۋارلارىن قورعاۋ، ءوسىمىن مولايتۋ جانە پايدالانۋ سالاسىنداعى ءبولىم ارقىلى؛
• ورمان شارۋاشىلىعى، جانۋارلار دۇنيەسiن قورعاۋ، ءوسiمiن مولايتۋ جانە پايدالانۋ سالاسىندا اقبوكەن دەريۆاتيۆتەرiن جيناۋ ماقساتىنداعى ءبولiم ارقىلى.
اقبوكەن دەريۆاتيۆىن جيناۋعا رۇقسات بەرۋ كەزىندە ەسق-دا كۋالاندىرىلعان «جانۋارلار دۇنيەسىن پايدالانۋعا رۇقسات بەرۋ تۋرالى» ءوتىنىش بەرىلەدى. ول «ەلەكتروندى ۇكىمەت» ۆەب-پورتالى ارقىلى ارنايى بەكىتىلگەن نىساندا ەلەكترون نىساندا جىبەرىلەدى.
قۇجات 21 ماۋسىمعا دەيىن قوعامدىق تالقىلاۋ ءۇشىن اشىق نقا ۆەب-سايتىندا جاريالانعان.
بۇعان دەيىن قازاقستانداعى كيىكتەردىڭ سانى 1 ميلليون 318 مىڭعا دەيىن وسكەنى حابارلانعان ەدى. بىلتىر 842 مىڭ باس اقبوكەن بولعان. زوولوگيا ينستيتۋتىندا كيىكتەردى جويۋ جانە ولاردىڭ سانىن رەتتەۋ ماسەلەسىن قاراستىرۋ ءۇشىن بيولوگيالىق نەگىزدەۋ جۇمىسى جۇرگىزىلىپ جاتىر.