سوڭعى جىلدارى جوعالىپ كەتۋ ءقاۋپى بار اڭداردىڭ سانى ارتىپ كەلەدى.
بۇل تۋرالى ورتالىق كوممۋنيكاسيالار قىزمەتىندەگى بريفينگتە ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ءتوراعاسى دانيار تۇرعامبايەۆ ايتتى، دەپ حابارلايدى aqshamnews.kz.
- قازىرگى ۋاقىتتا جوعالىپ كەتۋ ءقاۋپى بار اڭ-قۇستارعا قاتىستى ديناميكا تولىقتاي وزگەرىپ جاتىر. بۇگىندە ەلىمىزدە اڭ-قۇستىڭ 835 ءتۇرى بار. ونىڭ قىزىل كىتاپقا ەنگىزىلگەن 132ء-سى ءتۇرىنىڭ جوعالىپ كەتۋ ءقاۋپى بار، - دەدى ول.
ونىڭ اتاپ وتۋىنشە، ەلىمىزدە ەرەكشە قورعالاتىن تابيعي ايماقتىڭ اۋماعى 30 ملن گەكتارعا جۋىقتايدى. وسى ايماققا كىرمەيتىن اڭ-قۇستىڭ ساقتالۋىن «وحوتزووپروم» كاسىپورنىنىڭ 500-گە جۋىق قىزمەتكەرى ءجىتى باقىلاۋدا ۇستايدى.
- 2005 جىلمەن سالىستىرعاندا بۇگىندە جويىلىپ كەتۋى ءقاۋپى بار جانۋارلار سانىنىڭ ارتۋى بايقالادى. ماسەلەن، سول جىلى قۇلان سانى 1 212 باس بولسا، وتكەنى جىلى 4 600-دەن استى. 8 800 ارقار بولسا، بۇگىندە 21 182 باسقا جەتتى. قاراقۇيرىق سانى 12 500 بولسا، ءقازىر 15 588 باس بولدى. ايتا كەتەرلىگى، ەرەكشە قورعالاتىن تابيعي ايماقتاردىڭ اۋماعى جىلدان جىلعا ۇلعايىپ كەلەدى. بۇل اڭ-قۇستى قورعاۋدىڭ الەمدەگى ەڭ دۇرىس جولى رەتىندە تانىلعان. سوندىقتان وسى باعىتتا جۇمىسىمىزدى جالعاستىرامىز، - دەدڭ دانيار تۇرعامبايەۆ.