قازاقستاننىڭ التىن قورى 407 تونناعا جەتتى
بۇل تۋرالى بۇگىن ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ ايتتى، دەپ حابارلايدى Almaty-akshamy.kz
«التىن-ۆاليۋتا رەزەرۆتەرى ءبىر ايدا 309 ملن اقش دوللارىنا تومەندەپ، وسى جىلعى قاراشانىڭ سوڭىندا 35،5 ملرد اقش دوللارى بولدى. التىن پورتفەلى شامامەن 407 تونناعا جەتتى جانە 267 ملن اقش دوللارىنا ءوستى»، - دەدى ەربولات دوسايەۆ.
ونىڭ ايتۋىنشا، ەركىن كونۆەرتاسيالاناتىن ۆاليۋتاداعى اكتيۆتەر ۆاليۋتالىق ينتەرۆەنسيا، مەملەكەتتىك بورىشتى تولەۋ جانە ۇكىمەتتىڭ شوتتارى بويىنشا باسقا دا وپەراسيالار ەسەبىنەن 575 ملن اقش دوللارىنا تومەندەدى.
«جالپى حالىقارالىق رەزەرۆتەر ءبىر ايدا 435 ملن اقش دوللارىنا تومەندەپ، 90،5 ملرد اقش دوللارىن قۇرادى»،- دەدى ۇلتتىق بانك ءتوراعاسى.