ەلىمىزدە العاش رەت تەننيستەن الەم چەمپيوناتىنىڭ ىرىكتەۋ سايىستارى وتەدى

الەم چەمپيوناتىنا باراتىن 16 كوماندا انىقتالادى.

ەلىمىزدە العاش رەت ۇيىمداستىرىلىپ وتىرعان جارىستا ازيا - تىنىق مۇحيت ايماعىنىڭ جاسوسپىرىمدەرى ب ا ق سىنايدى. ىرىكتەۋ سايىسى شىمكەنت قالاسىندا 1-13 مامىر كۇندەرى 16 جاسقا دەيىنگىلەر اراسىندا وتەدى، دەپ حابارلايدى Almaty-akshamy.kz 

تەننيس فەدەراسياسىنىڭ باسپا ءسوز قىزمەتىنىڭ مالىمەتىنشە، ءالەم چەمپيوناتىنا جولداما ءۇشىن قىزدار اراسىندا قازاقستان، اۋستراليا، تايبەي، گونكونگ، ءۇندىستان، يندونەزيا، مالايزيا، يران، جاپونيا، وڭتۇستىك كورەيا، قىرعىزستان، موڭعوليا، جاڭا زەلانديا، تايلاند، وزبەكستان، ۆەتنام قۇرامالارى كورتقا شىعادى.

بوزبالالار اراسىندا قازاقستان، اۋستراليا، مالايزيا، پاكستان، سينگاپۋر، تايبەي، گونكونگ، ءۇندىستان، يندونەزيا، يران، جاپونيا، وڭتۇستىك كورەيا، جاڭا زەلانديا، تايلاند، وزبەكستان، ۆەتنام كوماندالارى سىنعا تۇسەدى.

قازاقستان نامىسىن مىنا سپورتشىلار قورعايدى:

بوزبالالار:

1. ءامىر ومارحانوۆ (قاراعاندى)

2. زاڭعار نۇرلان ۇلى (تۇركىستان).

ءۇشىنشى بوس ورىنعا دامير جالعاسباي (الماتى)، باقتيار ەراسىل (استانا) جانە ارتەم سيدوروۆ (الماتى) تالاسادى.

قىزدار:

1. ىڭكار دۇيسەباي (الماتى)

2. پولينا سلەپسوۆا (الماتى)

3. اريانا گوگۋلينا (استانا)

4. اناستاسيا كرىمكوۆا (تاراز).

وسىلاردىڭ ىشىنەن كوماندا كاپيتانى ۇشەۋىن تاڭدايدى.

شىمكەنتتەگى ىرىكتەۋ سايىسىندا 16 كوماندا ءتورت توپقا بولىنەدى. ءار توپتان ەكى ۇزدىك قۇراما پلەي-وفف كەزەڭىنە شىعىپ، الەم چەمپيوناتىنىڭ جولداماسىن ساراپقا سالادى. ازيا - تىنىق مۇحيت ايماعىنان بوزبالالار اراسىندا الەم چەمپيوناتىنا ءتورت جولداما بەرىلەدى، ياعني جارتىلاي فينالعا شىققان كوماندالار الەم بىرىنشىلىگىنە جولداما الادى. قىزدار اراسىندا ءۇش جولداماعا ۇزدىك ۇشتىككە ەنگەندەر يە بولادى.

شىمكەنتپەن قاتار، ەۋروپا، افريكا، وڭتۇستىك، سولتۇستىك جانە ورتالىق امەريكادا ىرىكتەۋ جارىستارى ءوتىپ، الەم چەمپيوناتىنا باراتىن 16 كوماندا انىقتالادى.