ساپالى جول
قازجولعزي قىزمەتكەرلەرى اقتوعاي – بالقاش اۆتوموبيل جولىنىڭ 415ء-شى شاقىرىم ۋچاسكەسىندەگى جول كونسترۋكسياسىنىڭ سۋ-جىلۋ رەجيمىنە مونيتورينگ جۇرگىزەتىن داچيك ورناتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل مونيتورينگ جۇيەسى قازاقستاننىڭ جول جەلىسىندە العاش رەت قولدانىلادى جانە ارنايى قۇراستىرىلعان.
ول ستاسيونارلىق باقىلاۋ نۇكتەلەرىندە جول كونسترۋكسياسىنىڭ سۋ-جىلۋ رەجيمى پارامەترلەرىن اۆتوماتتى تۇردە جيناۋدى جۇزەگە اسىرادى جانە مونيتورينگ ورتالىعىندا دەرەكتەردى شوعىرلاندىرادى.
قازجولعزي زەرتحاناسىندا داچيكتەردىڭ ءاربىر جيىنتىعىن ورناتۋ الدىندا ولاردى كاليبرلەۋ جۇرگىزىلدى.
كاليبرلەۋ جول توسەمىنىڭ ماتەريالدارى مەن جەر توسەمىنىڭ توپىراقتارىنىڭ ءارتۇرلى تۇرلەرى ءۇشىن جۇزەگە اسىرىلدى.
سونداي-اق، ەكسپەريمەنتتىك ۋچاسكەدە داچيكتەردى ورناتۋ كەزىندە باعدارلامالىق قامتاماسىز ەتۋدى پىسىقتاۋ/بايقاۋدان وتكىزۋ، سەرۆەرمەن قوسىلۋ، GPRS ارنالارى بويىنشا مونيتورينگ ورتالىعىنا ستاسيونارلىق باقىلاۋ نۇكتەلەرىنىڭ (تقك) دەرەكتەرىن بەرۋ ءۇشىن جەلىنى كۇيگە كەلتىرۋدى جۇرگىزۋ جانە ت. ب. تالاپ ەتىلەتىنىن اتاپ ءوتۋ قاجەت.
ورناتىلعان داچيكتەر قازاقستاننىڭ ءارتۇرلى كليماتتىق جاعدايلارى كەزىندە جول كونسترۋكسياسىنىڭ سۋ-جىلۋ رەجيمىنە تولىق اۋقىمدى زەرتتەۋلەر جۇرگىزۋگە مۇمكىندىك بەرەدى. بۇل كليماتتىڭ وزگەرۋىن ەسكەرە وتىرىپ، ەلىمىزدىڭ ءتۇرلى وڭىرلەرىندە اۆتوموبيل جولدارىن سالۋ، رەكونسترۋكسيا جانە جوندەۋ تەحنولوگياسىن تۇزەتۋگە مۇمكىندىك بەرەدى.