ەلىمىزدە الاياقتىقتىڭ جاڭا ءتۇرى پايدا بولدى

ءقازىر "قازاقستان كىتاپحاناسى" ءماتىن تەرۋشىلەردى جۇمىسقا الىپ جاتىر دەگەن جارناما تاراپ كەتتى.

الايدا بۇل شىندىققا جاناسپايدى، دەپ حابارلايدى Almaty-akshamy.kz Stopfake.kz-كە سىلتەمە جاساپ.

باسىلىم جارناماداعى "قازاقستان كىتاپحاناسى" دەگەن اتاۋعا نازار اۋدارتادى. ەلىمىزدە ونداي كىتاپحانا جوق، دەمەك، ءىس جۇزىندە جوق كاسىپورىن قىزمەتكەرلەردى قابىلداي المايدى.

ۆيدەودا كوزىلدىرىك كيگەن اق شاشتى ايەل مول تابىس تابۋ تۋرالى ايتادى. ونىڭ فوتوسۋرەتىن جەلىدەن ىزدەستىرگەندە، 2022 جىلى ول كۇماندى ريەلتورلاردىڭ قىزمەتىن جارنامالاعانى انىقتالدى. سونداي-اق ول ءوزىن باستاۋىش سىنىپ ءمۇعالىمى رەتىندە تانىستىرىپ، ءماتىن تەرۋ ارقىلى 23 مىڭ رۋبل تاپقانى تۋرالى ايتقان ۆيدەو تارادى. دەمەك، ول الدىن الا دايىندالعان ءماتىندى وقيتىن اكتريسا بولۋى مۇمكىن.

ءماتىن تەرىپ، كوپ اقشا تابۋ – الاياقتاردىڭ ايلا-امالدارىنىڭ ءبىرى. ولار ادەتتە ناقتى جۇمىس بەرۋشىلەرگە قاراعاندا الدەقايدا جوعارى جالاقى تولەۋگە ۋادە ەتەدى. ال قىزمەت ءۇشىن اقى تولەيتىن كەزدە، ولار الدىمەن "كەپىل" رەتىندە از مولشەردە اقشا جىبەرۋدى سۇرايدى. اۋدارمانى العاننان كەيىن، الاياقتار بايلانىستى توقتاتادى.

باسىلىم "تارالعان اقپارات – الاياقتاردىڭ ءىسى" دەگەن قورىتىندى جاسادى. مۇنداي ۇسىنىستارعا سەنبەگەن دۇرىس.