ەڭ كوپ اجىراسۋ الماتىدا تىركەلدى.
ەلىمىز بويىنشا 2023 جىلدىڭ قاڭتار-قىركۇيەك ايلارىنداعى نەكە قيۋ جانە اجىراسۋ كورسەتكىشى بەلگىلى بولدى، دەپ حابارلايدى Almaty-akshamy.kz Ranking.kz-كە سىلتەمە جاساپ.
دەرەككە سايكەس، 2023 جىلدىڭ قىركۇيەگىندە 10،8 مىڭ نەكە تىركەلدى. بۇل ءبىر اي بۇرىنعىدان 24،7%، ال بىلتىرعى قىركۇيەكپەن سالىستىرعاندا 26،9%-عا از.
اي سايىنعى كورسەتكىش بويىنشا بيىل تامىز ايى ەڭ ءونىمدى جىل رەتىندە تانىلدى. سەبەبى جازدىڭ سوڭعى ايىندا 14،4 مىڭ نەكە تىركەلگەن. ال نەكە ەڭ از تىركەلگەن اي قاڭتار، ياعني 7،6 مىڭ. جالپى، بۇل قالىپتى كورىنىس. بىلتىر تىركەلگەن نەكەلەردىڭ ەڭ كوبى تامىز ايىندا (15،3 مىڭ)، ەڭ ازى قاڭتاردا (7،9 مىڭ) بولعان.
2023 جىلدىڭ قىركۇيەگىندە 1،3 مىڭ اجىراسۋ تىركەلگەن. بۇل كورسەتكىش تامىز ايىمەن سالىستىرعاندا 6،9% از، ءبىراق بىلتىرعىدان 3،5% ارتىق. بيىل ەڭ كوپ اجىراسۋ مامىر ايىندا بولدى، ياعني 1،6 مىڭ. بىلتىر مامىردا دا ەڭ كوپ اجىراسۋ تىركەلىپ، كورسەتكىشى 1،8 مىڭ بولعان.
جالپى، 2023 جىلعى قاڭتار–قىركۇيەك ارالىعىندا ەلىمىزدە 90،3 مىڭ نەكە تىركەلدى. بۇل 2022 جىلدىڭ سايكەس كەزەڭىمەن سالىستىرعاندا بىردەن 8،1%-عا از. ونىڭ 60،2 مىڭى قالا، 30،1 مىڭى اۋىل تۇرعىندارى اراسىندا تىركەلدى. بۇل رەتتە نەكە قيۋدى تىركەۋ قالالاردا 9،3%، اۋىلدىق جەرلەردە 5،4%-عا ازايدى.
اجىراسۋلار سانى دا تومەندەپ، بيىل توعىز ايدا 8،1%، ياعني 12،4 مىڭعا دەيىن. بۇل رەتتە اجىراسۋلاردىڭ 73،6%-ىن قالا تۇرعىندارى قۇرادى: 9،1 مىڭ، 2022 جىلعى قاڭتار–قىركۇيەكپەن سالىستىرعاندا 8،6%-عا از. اجىراسۋلاردىڭ 3،3 مىڭى اۋىل تۇرعىندارىنىڭ ۇلەسىنە ءتيدى، بۇل ءبىر جىل بۇرىنعىدان 6،6%-عا از.
وڭىرلەر بويىنشا 2023 جىلدىڭ قاڭتار-قىركۇيەك ايلارىندا ەڭ كوپ نەكە قيىلعاندار حالقى تىعىز ورنالاسقان الماتى (9،7 مىڭ)، تۇركىستان وبلىسىندا (8،7 مىڭ) جانە استانادا (7،8 مىڭ) تىركەلگەن. ەڭ از نەكە ۇلىتاۋ (1،1 مىڭ)، سولتۇستىك قازاقستان (2،4 مىڭ) جانە اباي (2،6 مىڭ) وبلىستارىندا تىركەلگەن.
اجىراسۋلاردىڭ ەڭ كوپ سانى الماتىدا (1،7 مىڭ)، قاراعاندى وبلىسىندا (1،1 مىڭ) جانە استانادا (1،1 مىڭ) بولدى. ەڭ از اجىراسۋ ۇلىتاۋ (152)، قىزىلوردا (278) جانە ماڭعىستاۋ (298) وبلىستارىندا تىركەلگەن.
بۇل رەتتە نەكە قيۋدىڭ ەڭ جوعارى كوەففيسيەنتى استانادا. 1000 ادامعا شاققاندا 7،53. ودان كەيىن ۇلىتاۋ وبلىسى، وندا كورسەتكىش 6،76 بولدى. نەكە قيۋدىڭ ەڭ تومەنگى كوەففيسيەنتى تۇركىستان وبلىسى مەن شىمكەنتتە: 1000 ادامعا شاققاندا تيىسىنشە 5،47 جانە 5،49 بولدى.
اجىراسۋدىڭ ەڭ جوعارى كوەففيسيەنتى شىعىس قازاقستان جانە قاراعاندى وبلىستارىندا (1000 ادامعا شاققاندا 1،37 جانە 1،3)، ەڭ تومەنگىسى تۇركىستان جانە قىزىلوردا وبلىستارىندا (1000 ادامعا شاققاندا 0،29 جانە 0،44) بەلگىلەندى.
جالپى، قازاقستاندا نەكە قيۋ كوەففيسيەنتى ءبىر جىل ىشىندە 2022 جىلعى قاڭتار–قىركۇيەك ارالىعىنداعى 6،69-دان 2023 جىلدىڭ سايكەس كەزەڭىندە 6،07-گە دەيىن تومەندەدى. بۇل رەتتە اجىراسۋ كوەففيسيەنتى دە تومەندەدى: 1000 ادامعا شاققاندا 0،92-دەن 0،84-كە دەيىن.