ەكى مىڭنان اسا كاسىپكەر تاۋارلارىنا بەلگى باسىپ ۇلگەردى.
جاڭا ەرەجەگە كوشۋ ەكى جىل بۇرىن مىندەتتەلگەنىمەن، بيىلعى ساۋىرگە دەيىن شەگەرىلگەن ەدى. سەبەبى كاسىپكەرلەرگە جاڭا جۇيەگە دايىندالۋعا ۋاقىت قاجەت بولدى. ەندى تۇتىنۋشىلار ارنايى كود ارقىلى ءونىمنىڭ ساپاسىن باقىلاپ، وزىنە قاجەت اقپاراتتى تابا الادى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل، ەڭ الدىمەن، كولەڭكەلى كاسىپپەن كۇرەسۋگە مۇمكىندىك بەرەدى. سونداي-اق بيۋدجەتكە تۇسەتىن قاراجات ارتادى. وسىعان دەيىن قۇزىرلى ورگاندار ساۋدا ورنىنداعى ءاربىر ەكىنشى اياق كيىم ەلگە زاڭسىز كىرەتىنىن انىقتاعان. بۇدان بىلاي ەلگە كىرىپ-شىققان ءار تاۋار باقىلاۋدا بولادى.
«ساتىپ الۋعا ءاربىر اياق كيىمنىڭ ساپاسىن ءبىلۋ كەرەك. قاي جاقتان ەنگىزىلگەن، قاي جاقتان كىرگىزىلگەنىن ءبىلۋ كەرەك. ونىڭ ساپاسى بويىنشا تازا بىلعارى نەمەسە دەرمانتين ەكەنىن ءبىلۋ قاجەت دەپ ەسەپتەلىنەدى. 620 قاۋلىسى بويىنشا ءاربىر كود ەكى تەڭگە 68 تيىن بولىپ سانالادى. بۇل ققس قوسپاعان كەزدە»، - دەيدى ءبىرىڭعاي تاڭبالاۋ جانە قاداعالاۋ وپەراتورىنىڭ مەنەدجەرى اسەم جاپانبايەۆا.