ساتىلىم وتكەن جىلعا قاراعاندا 3،3%-عا وسكەن
بىلتىرعى قىركۇيەك ايىنداعى ناتيجەلەرمەن سالىستىرعاندا بيىل ساتىلىم 3،3 پايىزعا وسكەن. وتكەن 9 ايدا ەلىمىز بويىنشا 86 566 جاڭا كولىك ساتىلدى، دەپ حابارلايدى Almaty-akshamy.kz Express Qazaqstan-عا سىلتەمە جاساپ.
قازاقستاننىڭ اۆتوبيزنەس قاۋىمداستىعىنىڭ مالىمەتى بويىنشا، بيىلعى قىركۇيەك ايىندا قازاقستاندا 10517 جاڭا جەڭىل جانە كوممەرسيالىق كولىك ساتىلدى. تۋرا وسى كورسەتكىشتى وتكەن جىلمەن سالىستىرساق، 3،3 پايىز ءوسىم بار.
ەندى 2021 جىلعى 9 ايدىڭ ناتيجەسىنە توقتالايىق. سونىمەن بارلىعى 86 566 كولىك ساتىلدى، ونىڭ 79 444ء-ى جەڭىل، 7 122ء-سى كوممەرسيالىق اۆتوموبيل. بۇل 2020 جىلعى قاڭتار-قىركۇيەگىنە قاراعاندا 36،3 پايىزعا كوپ ەكەنىن ايتا كەتەيىك.
اۆتوبيزنەس قاۋىمداستىعىنىڭ بولجامى بويىنشا، جىل سوڭىنا دەيىن ەلىمىزدە 110-115 مىڭ جاڭا اۆتوكولىك ساتىلادى. وسىلايشا بيىل سوڭعى 5 جىلدا بولماعان رەكورد تىركەلۋى مۇمكىن.