ەلىمىزدە ا گەپاتيتىن جۇقتىرعاندار كوبەيدى

كوبىنە تازالىق ساقتاماعاننىڭ كەسىرىنەن جۇعادى.

بيىل بۇل دەرتكە شالدىققان ناۋقاستار سانى 1،9 ەسە ارتقان، دەپ حابارلايدى Almaty-akshamy.kz

"2024 جىلدىڭ باسىنان بەرى ەلىمىزدە ءجىتى ا ۆيرۋستىق گەپاتيتىنىڭ 850 جاعدايى تىركەلدى، بۇل - وتكەن جىلمەن سالىستىرعاندا 1،9 ەسە جوعارى كورسەتكىش"، دەلىنگەن ق ر دەنساۋلىق ساقتاۋ مينيسترلىگىنىڭ 24 ناۋرىزدا تاراتقان حابارلاماسىندا.

ا ۆيرۋستىق گەپاتيتتىڭ بەرىلۋ جولدارى:

لاس سۋمەن، بۇزىلعان تاعاممەن جانە ناۋقاسپەن بايلانىستا بولعاننان كەيىن كىر قولدار ارقىلى بەرىلەدى.

ا ۆيرۋستىق گەپاتيتى اۋرۋىنىڭ بەلگىلەرى:

دەنە تەمپەراتۋراسىنىڭ جوعارىلاۋى،

باستىڭ اۋرۋى،

تابەتتىڭ تومەندەۋى،

ەنجارلىق،

جۇرەكتىڭ اينۋى، قۇسۋ.

ينكۋباسيالىق كەزەڭ - 14-تەن 35 كۇنگە دەيىن.

ا گەپاتيتىمەن اۋىراتىن ناۋقاس سيمپتومدار پايدا بولعانعا دەيىن ەكى اپتادا جانە ءبىر اپتادان كەيىن باسقالارعا اۋرۋدى جۇقتىرا باستايدى.

ۆاكسينالاۋ ا ۆيرۋستىق گەپاتيتىنەن قورعايدى.

ۆاكسيناسيالاۋعا جاتاتىن توپتار:

ەكى جاستاعى بالالار؛

ينفەكسيا وشاقتارىنداعى ناۋقاسپەن بايلانىستاعى ادامدار.

گەپاتيتتەن قالاي ساقتانۋعا بولادى:

تاماقتانار الدىندا، دارەتحاناعا بارعاننان كەيىن، جۇمىستان ورالعاندا، سەرۋەندەگەندە قولىڭىزدى جۋىڭىز؛

اشىق سۋ قويمالارىنان الىنعان سۋدى قايناتپاي ىشپەڭىز جانە ونىمەن جەمىستەر مەن كوكونىستەردى جۋۋعا بولمايدى؛

لاستانعان سۋ ايدىندارىندا شومىلۋعا بولمايدى.