دونور ماسەلەسى ءتيىستى دەڭگەيگە جەتپەي جاتىر.
جاڭادان تاعايىندالعان دەنساۋلىق ساقتاۋ ءمينيسترى اقمارال ءالنازاروۆا وسىلاي دەپ مالىمدەدى، دەپ حابارلايدى Almaty-akshamy.kz.
ول قىزمەتىنە كىرىسە سالىسىمەن ءبىرىنشى كەزەكتە ترانسپلانتولوگيا ماسەلەسىنە نازار اۋداراتىنىن ايتتى. بۇل پروبلەمانى سەنات مىنبەرىندە بۇعان دەيىن دە بىرنەشە مارتە كوتەرگەنىن ايتادى. سونىمەن قاتار مەديسينالىق-سانيتارلىق العاشقى كومەكتى كۇشەيتۋدى قولعا الماق. بۇل باعىت نەعۇرلىم كۇشتى بولسا، اۋرۋشاڭدىق پەن ءولىم-جىتىم ازايادى، - دەيدى مينيستر.
«مايىتتىك دونورلىق قاراستىرىلعان قازاقستاندا. زاڭ قابىلداعاندا حالىقارالىق تاجىريبەگە سۇيەنىپ جاسالعان جۇيە. بۇل جۇيەنى دۇرىس جولعا قويۋ ءۇشىن قايتا تاريفتەردى كوتەرۋىمىز كەرەك. بىرنەشە ساتىدان تۇراتىن جۇمىس بولادى دەپ ويلايمىن. بۇل جەردە حالىقتىڭ كەلىسىمىن الماي، ول ءۇشىن حالىق تا، قوعام دا وعان دايىن بولۋى كەرەك»، - دەيدى ق ر دەنساۋلىق ساقتاۋ ءمينيسترى اقمارال ءالنازاروۆا.