241 ناۋرىزگۇل ەسىمدى ادام دا قازاقستاندا تۇرادى.
ءبىرىنشى نەسيە بيۋروسىنىڭ ساراپشىلارى نەشە وتانداسىمىزدىڭ ەسىمى وسى مەرەكەگە بايلانىستى ەكەنىن ەسەپتەپ شىقتى، دەپ حابارلايدى Almaty-akshamy.kz
«ۇلتتىق ستاتيستيكا بيۋروسىنىڭ مالىمەتى بويىنشا، قازاقستاندا ناۋرىز ەسىمىمەن 1 472 ادام تۇرادى، ال جەتەۋىنىڭ اتى ناۋرىزا»، - دەلىنگەن حابارلامادا.
سونىمەن قاتار كوپتەگەن قازاقستاندىق كوكتەمنىڭ باستى مەيرامىمەن بايلانىستى ەسىمدەردى الىپ ءجۇر:
ناۋرىزبەك – 3206 ادام؛
ناۋرىزباي – 2940 ادام؛
ناۋرىزحان – 272 ادام؛
ناۋرىزگۇل (ورفوگرافيالىق وزگەرىستەردى قوسقاندا) – 241 ادام؛
ناۋرىزجان – 51 ادام؛
ناۋرىز-مەيرام – 1 ادام.
ۇلتتىق ستاتيستيكا بيۋروسىنىڭ «مەن سياقتى نەشە ادام بار؟» قىزمەتىن پايدالانا وتىرىپ زەرتتەۋگە قاتىسىپ، ءوز ەسىمىڭىزدى ەنگىزىپ، ەلدە قانشا اتتاسىڭىز بارىن بىلە ءجۇرىڭىز!