جۇمىسپەن قامتىلعانداردىڭ ىشىندە 6،9 ميلليونى - جالدامالى قىزمەتكەر
2022 جىلعى 4ء-شى توقساندا قازاقستان ەكونوميكاسىنىڭ ءارتۇرلى سالالارىندا 9 ملن ادام جۇمىسپەن قامتىلعانى بەلگىلى بولدى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.
جۇمىسپەن قامتىلعانداردىڭ ىشىندە 6،9 ملن-ى (جۇمىسپەن قامتىلعانداردىڭ جالپى سانىنان 76،7%) جالدامالى قىزمەتكەر بولسا، 2،1 ملن ادام (جۇمىسپەن قامتىلعانداردىڭ جالپى سانىنان 23،3%) ءوزىن-وزى جۇمىسپەن قامتۋشىلار.
ءتورتىنشى توقساندا اپتاسىنا ناقتى جۇمىس ىستەگەن ساعاتتار سانى ورتا ەسەپپەن جۇمىسپەن قامتىلعانداردىڭ بىرەۋىندە 39 ساعات، جالدامالى قىزمەتكەرلەر اراسىندا 41 ساعات، ءوزىن-وزى جۇمىسپەن قامتۋشىلار اراسىندا 34 ساعاتتى قۇرادى.
تولىق جۇمىسپەن قامتىلماعاندار (جۇمىس كولەمىنىڭ تومەندەۋىنە، جۇمىس بەرۋشىنىڭ باستاماسى بويىنشا، سىرعىمالى جۇمىس كەستەسىنە جانە باسقا دا سەبەپتەرمەن از جۇمىس ىستەگەندەر) سانى الدىڭعى توقسانمەن سالىستىرعاندا 9،9% ءوسىپ، 268،9 مىڭ ادامدى قۇرادى.