ق ر ەنەرگەتيكا ءمينيسترى بولات اقشولاقوۆ ءماجىلىس دەپۋتاتتارىنىڭ ساۋالىنا وسىلاي جاۋاپ بەردى.
2025 جىلعا دەيىن قازاقستاندا 19 سۋ ەلەكتر ستانساسى سالىنادى، دەپ حابارلايدى Almaty-akshamy.kz.
«قازىرگى ۋاقىتتا رەسپۋبليكادا بەلگىلەنگەن قۋاتى 2065 مۆت بولاتىن 136 جاڭارتىلاتىن ەنەرگيا كوزىنىڭ وبەكتىسى جۇمىس ىستەيدى. ونىڭ ىشىندە قۋاتى 684 مۆت بولاتىن 40 جەل ەلەكتر نىسانى، 1093 مۆت ەلەكتر وندىرەتىن 51 كۇن ەلەكتر نىسانى، جيىنتىق قۋاتى 280 مۆت بولاتىن 40 سۋ ەلەكتر نىسانى، 8 مۆت ەنەرگيا وندىرەتىن 5 بيوەلەكتروستانسيا بار. 2021 جىلى جالپى قۋاتى 393 مۆت بولاتىن 19 نىسان پايدالانۋعا بەرىلدى. 2022 جىلعى 1 توقساننىڭ قورىتىندىسى بويىنشا، جاڭارتىلاتىن ەنەرگەتيكا وبەكتىلەرى وندىرگەن ەلەكتر قۋاتىنىڭ كولەمى - 933،07 ملن كۆت/س»، - دەپ جازىلعان جاۋاپتا.
بولات اقشولاقوۆ جولداعان جاۋاپقا قاراعاندا، 2025 جىلعا دەيىن قۋاتى 1074 مۆت بولاتىن 53 جاڭارتىلاتىن ەنەرگيا كوزىنىڭ جوباسىن پايدالانۋعا بەرۋ جوسپارلانعان. ونىڭ ىشىندە قۋاتى 129،77 مۆت بولاتىن 19 سۋ ەلەكتر ستانسياسىن، 812،39 مۆت قۋات وندىرەتىن 23 جەل ەلەكتر ستانسياسىن، 116،95 مۆت ەنەرگيا شىعاراتىن 7 كۇن ەلەكتر ستانسياسىن، 15،35 مۆت ەنەرگيا بەرەتىن 4 بيوەلەتر ستانسياسىن سالۋ كوزدەلگەن.
«اتالعان جوبالاردى ىسكە اسىرۋ شەڭبەرىندە شامامەن 600 ملرد تەڭگە ينۆەستيسيا تارتىلادى. سونىڭ ارقاسنىدا قوسىمشا 3،5 ملرد كۆت/ساع جاسىل ەنەرگيا ءوندىرىپ، 6 000 ۋاقىتشا جانە 600 تۇراقتى جۇمىس ورىندارىن قۇرۋعا بولادى. بيىل جالپى قۋاتى 290،6 مۆت بولاتىن جاڭارتىلاتىن ەنەرگيا كوزىنىڭ 10 وبەكتىسىن ىسكە اسىرۋ جوسپارلانىپ وتىر»، - دەپ جازادى مينيستر.
ق ر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتى بويىنشا، كەيىنگى بەس جىلدا ەلەكتر ەنەرگياسىن تۇتىنۋ كولەمى 27 پايىز ارتقان. سونداي-اق، دۇنيەجۇزىلىك بانك قازاقستاننىڭ ەنەرگيا جۇيەسىنە اۋديت جۇرگىزۋگە گرانت ءبولدى.