بۇل شارا مەملەكەت باسشىسىنىڭ باستاماسى بويىنشا جۇزەگە اسىرىلادى.
قىزىل كىتاپقا ەنگەن ءاربىر زاڭسىز كەسىلگەن اعاش ءۇشىن زياندى وتەۋ مولشەرى 6 اەك-تەن 1000 اەك-كە دەيىن ۇلعايتىلدى، دەپ حابارلايدى Almaty-akshamy.kz ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنە سىلتەمە جاساپ.
ورمان جانە تابيعات قورعاۋ مەكەمەلەرىنىڭ ءىس-قيمىلىن ۇيلەستىرۋ جونىندەگى شتاب قۇرىلدى. اعاش ەگۋ جۇمىستارى باستالدى. ءقازىردىڭ وزىندە 26،1 مىڭ گا الاڭدا 80،5 ملن.اعاش وتىرعىزىلدى، كورسەتىلگەن شارالار ەلدىڭ ورماندىلىعىن 2030 جىلعا قاراي 5%-عا دەيىن جەتكىزۋگە مۇمكىندىك بەرەدى.
«ارال تەڭىزىنىڭ قۇرعاعان تۇبىنە سەكسەۋىل وتىرعىزۋ جەكە ماسەلە بولىپ تابىلادى. 1990-2021 جىلدار ارالىعىندا 195 مىڭ گا جەرگە سەكسەۋىل وتىرعىزىلدى. بىرنەشە اپتا بۇرىن ارنايى ەكسپەديسيا بارعان، ءتيىستى زەرتتەۋ جۇرگىزىلدى. وتىرعىزىلعان سەكسەۋىل اۋدانى 337 مىڭ گا قۇراعانى انىقتالدى. ءقازىر مەملەكەت باسشىسىنىڭ تاپسىرماسى بويىنشا ءبىز سەكسەۋىل وتىرعىزۋدىڭ كەشەندى باعدارلاماسىن ازىرلەپ جاتىرمىز. 2021-2030 جىلدارى 1،1 ملن گا جەرگە سەكسەۋىل وتىرعىزۋ جوسپارلانىپ وتىر»، - دەدى ق ر ەكولوگيا، گەولوگيا جانە تابيعي رەسۋرستار ءمينيسترى.
الماتى قالاسىنداعى سۋلپاك دۇكەنىنىڭ جانىنداعى 11 اعاشتى زاڭسىز كەسۋ جاعدايىنان كەيىن اعاشتاردى زاڭسىز كەسۋ، جويۋ جانە ءبۇلدىرۋ جاۋاپكەرشىلىگىن ارتتىرۋ ماقساتىندا قولدانىستاعى زاڭناماعا ايىپپۇلدى ۇلعايتۋ جانە بۇزۋشىلارعا سانكسيالاردى قاتاڭداتۋ بولىگىندە وزگەرىستەر مەن تولىقتىرۋلار ەنگىزىلدى.
«وسىلايشا، قىزىل كىتاپقا ەنگەن ءاربىر زاڭسىز كەسىلگەن اعاش ءۇشىن زياندى وتەۋ مولشەرى 6 اەك-تەن 1000 اەك-كە دەيىن ۇلعايتىلدى. بۇدان باسقا، اكىمشىلىك جانە قىلمىستىق كودەكستەرگە ورمان قورىندا جانە قالالار مەن ەلدى مەكەندەر شەگىندە اعاشتاردى جانە بۇتالاردى زاڭسىز كەسكەنى، جويعانى جانە زاقىمداعانى ءۇشىن قۇقىق بۇزۋشىلارعا ايىپپۇلداردى ۇلعايتۋ جانە سانكسيالاردى قاتاڭداتۋ بولىگىندە وزگەرىستەر ەنگىزىلدى. سونداي-اق وسىمدىكتەر دۇنيەسى رەسۋرستارىن قورعاۋ، ءوسىمىن مولايتۋ جانە پايدالانۋ جونىندەگى بارلىق ماسەلەلەردى زاڭنامالىق رەتتەۋ ماقساتىندا «وسىمدىكتەر الەمى تۋرالى» زاڭ جوباسى ازىرلەندى. ول ماجىلىستە قارالادى».
مەملەكەت باسشىسىنىڭ تاپسىرماسىنا سايكەس، مينيسترلىك ەكولوگيالىق ءتۋريزمدى دامىتۋ بويىنشا جۇمىس جۇرگىزىپ جاتىر. وسىعان بايلانىستى، جۇرتشىلىقتىڭ پىكىرىن ەسكەرە وتىرىپ، جوسپارلار ازىرلەندى. ۇلتتىق پاركتەر جانىنان قوعامدىق كەڭەستەر قۇرىلدى. الماتى وبلىسىنىڭ 4 ءىرى ۇلتتىق پاركى بويىنشا ينۆەستورلار انىقتالدى.
«الماتى ءوڭىرىنىڭ ۇلتتىق پاركتەرى بويىنشا 11 زاماناۋي ۆيزيت-ورتالىق، 5 ەكو-قوناق ءۇي، 28 گلەمپينگ، 8 كەمپينگ، 4 ەتنو-اۋىل جانە ت.ب. مەكەمەلەر سالۋ كوزدەلىپ وتىر. بۇل جالپى العاندا 31،5 ملرد. تەڭگە جەكە ينۆەستيسيالاردى تارتادى. ۇلتتىق پاركتەردىڭ رەكرەاسيالىق جۇكتەمەسىنىڭ نورمالارىن ەسكەرە وتىرىپ، تۋريستەردىڭ كۇتىلەتىن اعىنى 2 ملن.ادامدى قۇرايدى. قازىرگى ۋاقىتتا 3 ۇلتتىق پاركتە قاجەتتى ينفراقۇرىلىمنىڭ قۇرىلىسى باستالدى. «ىلە-الاتاۋ» ۇلتتىق پاركىندە «ايۋساي» ۆيزيت-ورتالىعى اشىلدى. ۆيزيت-ورتالىقتىڭ اينالاسىندا سوقپاقتار جايلاستىرىلدى، تۋريستەرگە ىڭعايلى بولۋ ءۇشىن وزەن ارقىلى كوپىر سالىندى، ۆولونتەرلەر ەكو-مادەنيەت بويىنشا وقىتۋ جۇرگىزۋدە»، - دەدى ماعزۇم مىرزاعالييەۆ.