2025 جىلعى 1 ءساۋىر مەن 23 مامىر ارالىعىندا قازاقستاندا PISA-2025 حالىقارالىق زەرتتەۋى وتەدى. وعان ەلىمىزدىڭ 643 ءبىلىم بەرۋ ۇيىمدارىنان 15 جاستاعى 24 مىڭعا جۋىق وقۋشى قاتىسادى.
PISA (Programme for International Student Assessment) – 15 جاستاعى بالالاردىڭ ومىردەگى ناقتى ماسەلەلەردى شەشۋ ءۇشىن وقۋ، ماتەماتيكا جانە جاراتىلىستانۋ عىلىمدارى بويىنشا بىلىمدەرى مەن داعدىلارىن قولدانۋ قابىلەتتەرىن انىقتاۋ ماقساتىندا وتكىزىلەتىن ءبىلىم الۋشىلاردىڭ ءبىلىم جەتىستىكتەرىن باعالاۋ جونىندەگى حالىقارالىق باعدارلاما. ونى ءتورت جىلدا 1 رەت ەكونوميكالىق ىنتىماقتاستىق جانە دامۋ ۇيىمى (ەىدۇ) وتكىزەدى.
زەرتتەۋ كومپيۋتەرلىك تەستىلەۋ تۇرىندە جۇرگىزىلەدى. PISA-2025ء-تىڭ نەگىزگى باعىتى - عىلىمي ساۋاتتىلىق، سونىمەن قاتار يننوۆاسيالىق باعىت. 2025 جىلى مۇنداي باعىت «سيفرلىق الەمدە وقىتۋ» (Learningin the digital World) بولادى.
ەستەرىڭىزگە سالا كەتەيىك، PISA-2022 ناتيجەلەرى بويىنشا قازاقستان ماتەماتيكا جانە جاراتىلىستانۋ پاندەرى بويىنشا توپ-50 ەلدىڭ قاتارىنا ەندى. سونداي-اق، قازاقستاننىڭ قالالىق جانە سەلولىق جەردەگى وقۋشىلارى اراسىنداعى ءبىلىم ساپاسى الشاقتىقتىعىنىڭ تومەندەۋى بايقالدى.
ەلىمىزدە 15 جاستاعى 24 مىڭعا جۋىق وقۋشى PISA-2025 حالىقارالىق زەرتتەۋىنە قاتىسادى
- اۆتور aqshamnews.kz
- 11:01، 01 ءساۋىر 2025
سۋرەت: Gov.kz