بۇل تۋرالى سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا ءمالىم ەتتى
ونىڭ ايتۋىنشا اتا-اناسى قالاپ تۇرسا دا 12 جاسقا تولماعان بالالارعا ەكپە ەگىلمەيدى، دەپ حابارلايدى Almaty-akshamy.kz.
ويتكەنى امەريكادان تاپسىرىسپەن الدىرىپ جاتقان «پفايزەر» ۆاكسيناسىنىڭ مىنا دوزاسى تەك 12 جاسقا تولعان بالالارعا ارنالعان ەكەن. ءبىز بىلەمىز، مۇحيتتىڭ ارعى بەتىندەگى ەلدەر 5 جاسقا تولعان بالالارعا ەكپە سالۋدى باستاپ كەتكەن. قازاقستان ازىرگە ونداي قادامعا بارا قويعان جوق. ەگەر قاجەتتىلىك تۋىنداپ جاتسا عانا 5 جاسقا تولعان بالالارعا ارنالعان ەكپەگە تاپسىرىس بەرەمىز دەدى.
«قازاقستاندا تىركەلگەن «پفايزەر» ۆاكسيناسى تەك 12 جاسقا تولعان بالالارعا ارنالعان. ودان تومەن جاستاعىلارعا سالۋعا بولمايدى. دوزاسى ساي كەلمەيدى. امەريكادا كوروناۆيرۋسقا قارسى ۆاكسينانى 5 جاستاعى بالالارعا دا سالىپ جاتقانىن بىلەمىز. ءبىراق ونىڭ مولشەرى مۇلدەم بولەك. سوندىقتان ەكەۋىن شاتاستىرۋعا بولمايدى»، - دەيدى ق ر دسم سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا.