مەملەكەتتىڭ دامۋى ۇلتتىق عىلىمنىڭ الەۋەتىنە تىكەلەي بايلانىستى.
ق ر پرەمەر-مينيسترى ءا. سمايىلوۆ «ءوز ۆاكسيناسى بار التى ەلدىڭ قاتارىندا قازاقستاننىڭ بولۋى وتاندىق عىلىمنىڭ الەۋەتى قانشالىقتى زور ەكەنىن كورسەتەتىنىن» ايتتى، دەپ حابارلايدى Almaty-akshamy.kz.
«بۇل ورايدا، قازاقستان عىلىمىنىڭ بولاشاعى وتە زور. سونىمەن قاتار وتاندىق عىلىمدا ايتارلىقتاي سەرپىلىس بار. ەلىمىزدە سوڭعى ەكى جىلدا رەسپۋبليكالىق بيۋدجەتتەن عىلىمدى قارجىلاندىرۋ شامامەن 2 ەسە ءوستى. كوروناۆيرۋس ينفەكسياسىنا قارسى ءوز ۆاكسيناسى بار التى ەلدىڭ قاتارىندا قازاقستاننىڭ بولۋى وتاندىق عىلىمنىڭ الەۋەتى قانشالىقتى زور ەكەنىن كورسەتەدى. ءبىز عىلىمعا جاڭا لەپ اكەلگەن ءوز ۆاكسينامىزدى ماقتان تۇتامىز! بۇل – شىن مانىندە ءبىزدىڭ عالىمدارىمىزدىڭ ۇلكەن جەڭىسى! وتاندىق عىلىم حالقىمىزدىڭ ءومىر ساپاسىن جاقسارتۋعا ەلەۋلى ۇلەس قوسۋى ءتيىس. عىلىم سالاسىنداعى باعدارلامالىق قۇجاتتاردىڭ بارلىعى وسىعان باعىتتالعان»، - دەدى ۇكىمەت باسشىسى.