جىلدىق ءوندىرىس ءوسىمى 40%-عا جۋىقتادى.
ءونىمنىڭ قۇنى 1،3 تريلليون تەڭگەدەن اسادى، دەپ حابارلايدى Almaty-akshamy.kz "قازاقستان اۆتوموبيل وداعىنىڭ" باسپا ءسوز قىزمەتىنە سىلتەمە جاساپ.
توعىز ايدا قازاقستاندا 109 552 اۆتوكولىك شىعارىلدى. وتكەن جىلمەن سالىستىرعاندا ءوسىم 39،2%-دى قۇرادى.
قىركۇيەك ايىندا ەلىمىزدە جالپى قۇنى 156 ميلليارد تەڭگەنى قۇرايتىن 12 231 كولىك دايىندالدى. ءبىر جىل بۇرىنعى كورسەتكىش 9 865 كولىك جانە 105،7 ميلليارد تەڭگەنى قۇراپ، بۇل بيىلعىمەن سالىستىرعاندا 24% پايىز ءوسىم كورسەتتى.
اۆتوموبيلدەر مەن كوممەرسيالىق كولىكتەر ءوندىرىسى 39،2%-عا ءوستى.
قازاقستانداعى ماشينا جاساۋداعى اۆتوموبيل ونەركاسىبىنىڭ ۇلەسى 44،5%-دى قۇرادى.
حابارلامادا قازاقستاندىق اۆتوموبيل نارىعى ينۆەستيسيا تارتۋدى جالعاستىرىپ جاتقانى ايتىلعان. قوستانايدا جاڭا Kia زاۋىتى سالىنىپ جاتىر جانە قازان ايىندا Skoda برەندىنىڭ قايتا ورالعانى تۋرالى بەلگىلى بولدى.
سونىمەن قاتار ەلىمىزدە اۆتوموبيل بولشەكتەرىن شىعاراتىن سەحتار دا سالىنىپ جاتىر.
قازاقستانداعى اۆتوموبيل ونەركاسىبى ءونىمىنىڭ نەگىزگى كولەمى (88%) قوستاناي وبلىسى مەن الماتى قالاسىندا شوعىرلانعان: تيىسىنشە 596،6 ميلليارد جانە 418،8 ميلليارد تەڭگە.