قازاقستان مەن ۆەتنام اراسىندا اۋە رەيستەرى قاتىناماق
2021 جىلعى 30 جەلتوقساننان باستاپ «SCAT» اۋە كومپانياسى اپتاسىنا ءبىر رەت، بەيسەنبى كۇندەرى ب–757 اۋە كەمەسىمەن الماتى-فۋكۋوك باعىتىنداعى رەيستەردى قايتا باستاۋدى جوسپارلاپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى ق ر ييدم حابارلادى. اۋە قاتىناسىن قالپىنا كەلتىرۋگە قازاقستان رەسپۋبليكاسىنىڭ اۋماعىندا كوروناۆيرۋستىق ينفەكسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2021 جىلعى 14 جەلتوقسانداعى شەشىمىنە سايكەس رۇقسات ەتىلدى.
رەيستەر سانىن ارتتىرۋ ماسەلەسى ەپيدەميولوگيالىق جاعدايعا جانە ۆەدومستۆوارالىق كوميسسيانىڭ ءتيىستى شەشىمدەرىنە بايلانىستى قابىلدانادى.
رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانياسىنىڭ سايتىندا جاريالانعان كەستەگە سايكەس ورىندالادى.