ق ر دەنساۋلىق ساقتاۋ ءمينيسترى الەكسەي سوي ارميان ارىپتەسى انايت اۆانەسيانمەن كەزدەستى
ق ر دەنساۋلىق ساقتاۋ مينيسترلىگىنەن ءمالىم ەتكەندەي، كەزدەسۋ بارىسىندا مينيسترلىكتەردىڭ باسشىلارى ەكىجاقتى ىنتىماقتاستىقتىڭ باسىمدىقتارىن بەلگىلەپ، ۆاكسيناسيا پاسپورتتارىن ءوزارا تانۋ تۋرالى جاريالادى، دەپ حابارلايدى Almaty-akshamy.kz
ارمەنيا ۆاكسيناسيا پاسپورتى قازاقستاندا تانىلعان 17ء-شى مەملەكەت بولدى.
«ق ر اۋماعىندا كەلەسى ەلدەردە بەرىلگەن ازاماتتاردىڭ كۆي-عا قارسى ۆاكسيناسيا پاسپورتتارى/سەرتيفيكاتتارى/انىقتامالارى جارامدى دەپ تانىلسىن: ارگەنتينا رەسپۋبليكاسى، ۆەنگريا، گرۋزيا، يران يسلام رەسپۋبليكاسى، يوردانيا، قىرعىز رەسپۋبليكاسى، مالديۆ رەسپۋبليكاسى، موڭعوليا، ارمەنيا رەسپۋبليكاسى، بەلارۋس رەسپۋبليكاسى، مولدوۆا رەسپۋبليكاسى، پەرۋ رەسپۋبليكاسى، سان-مارينو رەسپۋبليكاسى، سەربيا، تۋنيس رەسپۋبليكاسى، ءۇندىستان رەسپۋبليكاسى، فيليپپين رەسپۋبليكاسى، تايلاند، تۇركيا رەسپۋبليكاسى، ەستونيا رەسپۋبليكاسى»، - دەلىنگەن ەدى ەلدىڭ باس سانيتارلىق دارىگەرىنىڭ 15 قاراشاداعى قاۋلىسىندا.
بۇدان باسقا، ساپار شەڭبەرىندە ەۋرازيالىق ەكونوميكالىق وداققا مۇشە مەملەكەتتەردىڭ ءوندىرىسى ەۋرازيالىق ەكونوميكالىق وداقتا 2024 جىلعا دەيىن قامتاماسىز ەتىلۋى ءتيىس ستراتەگيالىق ماڭىزدى دارىلىك پرەپاراتتارمەن جانە مەديسينالىق قولدانۋعا ارنالعان فارماسيەۆتيكالىق سۋبستانسيالارمەن قامتاماسىز ەتىلۋ دەڭگەيىن ارتتىرۋ جونىندەگى ءىس – شارالار جوسپارى تالقىلاندى.
سونداي-اق، قازاقستان دەنساۋلىق ساقتاۋ ءمينيسترى ارىپتەستەرىمەن بىرگە ەرەبۋني مەديسينالىق ورتالىعىنا باردى، ول ەلدىڭ ەڭ ءىرى مەديسينالىق مەكەمەسى بولىپ تابىلادى، وندا حالىققا الەمدىك ستاندارتتارعا سايكەس كوپبەيىندى، جوعارى بىلىكتى مەديسينالىق كومەك كورسەتىلەدى.