حالىقارالىق كونفەرەنسيانىڭ وتىرىسى ءوتتى
قازاقستان ورتالىق ازيا مەن كاۆكازدىڭ بارلىق ەلىمەن سەرىكتەستىكتى بەلسەندى دامىتا وتىرىپ، اۆياسيالىق قاۋىپسىزدىك پەن ۇشۋ قاۋىپسىزدىگى سالاسىنداعى وڭىرلىك كوشباسشى اتاندى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
11-12 تامىزدا «قازاقستاننىڭ اۆياسيالىق اكىمشىلىگى» اق يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياسيا كوميتەتى مەن اقتاۋ قالاسىنىڭ حالىقارالىق اۋەجاي اكىمشىلىگىنىڭ قاتىسۋىمەن اۆياسيالىق قاۋىپسىزدىك جانە وڭىرلىك ىنتىماقتاستىق جونىندەگى حالىقارالىق كونفەرەنسيانىڭ وتىرىسىن وتكىزدى.
كونفەرەنسياعا ءازىربايجان، گرۋزيا، قىرعىزستان جانە تاجىكستان دوستاس مەملەكەتتەردىڭ اۆياسيالىق بيلىك ورىندارىنىڭ باسشىلىعى قاتىستى.
يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياسيا كوميتەتىنىڭ ءتوراعاسى تالعات لاستايەۆ قاتىسۋشىلارعا قۇتتىقتاۋ ءسوز سويلەدى. ءوز سوزىندە ول ەۋروپالىق ساراپشىلار ءاۋديتىنىڭ جوعارى ناتيجەلەرىن اتاپ ءوتىپ، قازاقستاننىڭ ۇشۋ قاۋىپسىزدىگى سالاسىندا يكاو ستاندارتتارىنا سايكەستىگىن، سونداي-اق يكاو ءاۋديتىنىڭ ناتيجەلەرى بويىنشا اۆياسيالىق قاۋىپسىزدىكتى قامتاماسىز ەتۋ سالاسىنداعى جوعارى كورسەتكىشتەردى راستاعانىن ايتتى.
قازىرگى ۋاقىتتا قازاقستان ورتالىق ازيا مەن كاۆكازدىڭ بارلىق ەلىمەن سەرىكتەستىكتى بەلسەندى دامىتا وتىرىپ، اۆياسيالىق قاۋىپسىزدىك پەن ۇشۋ قاۋىپسىزدىگى سالاسىنداعى وڭىرلىك كوشباسشى اتاندى.
كونفەرەنسيانىڭ كۇن تارتىبىنە ازاماتتىق اۆياسياداعى قاۋىپسىزدىكتى قامتاماسىز ەتۋ ءۇشىن قاجەتتى اقپاراتپەن جەدەل الماسۋ ماسەلەلەرى ەنگىزىلدى.
ازاماتتىق اۆياسيانى زاڭسىز ارالاسۋ اكتىلەرىنەن قورعاۋ ماسەلەلەرى بويىنشا كونفەرەنسياعا قاتىسۋشى ەلدەردىڭ اۆياسيالىق بيلىك ورىندارىنىڭ ءوزارا ءىس-قيمىلىن جانە ىنتىماقتاستىعىن دامىتۋ.
حالىقارالىق ستاندارتتاردى جانە حالىقارالىق ازاماتتىق اۆياسيا ۇيىمىنىڭ (يكاو) ۇسىنىلاتىن پراكتيكاسىن ەسكەرە وتىرىپ، قاتىسۋشى ەلدەردىڭ زاڭنامالارىن ۇيلەستىرۋ.
ازاماتتىق اۆياسيانىڭ بىلىكتى پەرسونالىن دايارلاۋ مەن قايتا دايارلاۋدىڭ كاسىبي دەڭگەيىن قولداۋ، سونداي-اق قاتىسۋشى ەلدەر اراسىندا اۆياسيالىق قاۋىپسىزدىك جونىندەگى ۇيلەستىرۋ توبىن قۇرۋ.
ۇيلەستىرۋ توبىنىڭ جۇمىس ورگانى رەتىندە ازاماتتىق اۆياسيا اكادەمياسىنىڭ اۆياسيالىق قاۋىپسىزدىك جونىندەگى يكاو وقۋ ورتالىعى ۇسىنىلدى.
«ۇيلەستىرۋ توبىنىڭ ماقساتى ءوزارا اقپارات الماسۋ جانە بىر-بىرىنە جاردەم كورسەتۋ ارقىلى اۆياسيالىق قاۋىپسىزدىكتىڭ جوعارى دەڭگەيىنە قول جەتكىزۋ، اۆياسيالىق قاۋىپسىزدىك جونىندەگى يكاو-نىڭ جاھاندىق جوسپارىنىڭ نەگىزگى باسىمدىقتارىنا قول جەتكىزۋگە جانە يكاو ستاندارتتارى مەن ۇسىنىلاتىن پراكتيكاسىن ساپالى ەنگىزۋگە جاردەمدەسۋ جانە كومەك كورسەتۋ ءۇشىن ءتيىمدى تەتىك قۇرۋ بولىپ تابىلادى»، - دەلىنگەن حابارلامادا.
كونفەرەنسياعا قاتىسۋشىلار اۆياسيالىق قاۋىپسىزدىك سالاسىنداعى وڭىرلىك ىنتىماقتاستىق تۋرالى كەلىسىم شەڭبەرىندە الەۋەتتى ارتتىرۋ، سونداي-اق اۆياسيالىق قاۋىپسىزدىك ماسەلەلەرى بويىنشا ىنتىماقتاستىق بويىنشا ۋاعدالاستىقتارعا قول جەتكىزدى.