ەلەنا رىباكينا فەدەراسيانىڭ سىياقىسىن المايتىن بولدى
ۋيمبلدون چەمپيونى ەلەنا رىباكينا تۋرنيردەگى جەڭىسى ءۇشىن بەرىلەتىن قازاقستان تەننيس فەدەراسياسىنىڭ سىياقىسىن الۋدان باس تارتتى. بۇل تۋرالى فەدەراسيا ۆيسە-پرەزيدەنتى يۋريي پولسكيي ءمالىم ەتتى، دەپ حابارلايدى Almaty-akshamy.kz.
ۆيسە-پرەزيدەنتتىڭ ايتۋىنشا، فەدەراسيا تەننيسشىگە قارجىلاي قولداۋ كورسەتكىسى كەلگەن. الايدا، ول بۇدان باس تارتىپ، قارجىنى قايىرىمدىلىققا جانە قازاقستاننىڭ جاس تەننيسشىلەرىن قولداۋعا جۇمساعىسى كەلەتىنىن جەتكىزدى.
«ءقازىردىڭ وزىندە فەدەراسياعا ءوز بالالارىن تەننيسكە بەرگىسى كەلەتىن اتا-انالاردان ءوتىنىش كوپتەپ ءتۇسىپ جاتىر. ەلىمىزدە ۇلكەن سەرپىلىس پايدا بولدى. بۇل تەننيستىڭ جاڭا قارقىنمەن دامۋىنا جول اشادى»، - دەدى يۋ. پولسكيي.