اتالعان جارىس 18 قىركۇيەكتە مارەگە جەتەدى
قازاقستاننىڭ ءبىرىنشى، الەمنىڭ 25-راكەتكاسى ەلەنا رىباكينا پورتوروج (سلوۆەنيا) WTA 250 جارىسىن جەڭىسپەن باستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وسى دودانىڭ ءۇشىنشى راكەتكاسى بولىپ تىركەلگەن قازاقستاندىق تەننيسشى باستاپقى كەزدەسۋىن دۇنيەجۇزىلىك رەيتينگتە 173-ورىندا تۇرعان گەرمانيالىق لاۋرا زيگەمۋندپەن وتكىزدى.
ءبىرىنشى پارتيادا نەمىس سپورتشىسى تاي-برەيكتە ءساتتى وينادى - 7:6 (7:4).
ەكىنشىسىندە ەلەنا ەسە قايىردى - 6:4.
شەشۋشى، ءۇشىنشى سەتتە ە.رىباكينا جەڭىستى جۇلىپ الدى - 7:6 (10:8).
ءۇش ساعات 23 مينۋتقا سوزىلعان تارتىستى باسەكە بارىسىندا قازاقستاندىق تەننيسشى 15 ەيس جاساپ، 19 برەيك-پوينتتىڭ بەسەۋىن پايدالانا ءبىلدى. قارسىلاسى 4 برەيكتەن اسا المادى.
ە.رىباكينا ەكىنشى اينالىمدا الەمنىڭ 66-راكەتكاسى، چەحيالىق تەرەزا مارتينسوۆامەن شەبەرلىك بايقاسادى. ول رەيتينگىدە 85-ساتىداعى ۇلىبريتانيالىق حەرريەت دارتتى ۇتتى - 0:6، 6:4، 6:1.
اتالعان جارىس 18 قىركۇيەكتە مارەگە جەتەدى.
ەسكە سالا كەتەيىك، بۇدان بۇرىن تەننيستەن ديەۆيس كۋبوگىندا قازاقستان نيدەرلاندى كومانداسىمەن كەزدەسەتىنىن جازعان بولاتىنبىز.
سونداي-اق قازاقستاندىق تەننيسشى ىستانبۇل ءتۋرنيرىنىڭ ەكىنشى اينالىمىنا شىقتى.