ينديان-ۋەللس WTA 1000 دوداسى 19 ناۋرىزعا دەيىن جالعاسادى.
قازاقستاننىڭ ءبىرىنشى، الەمنىڭ 10-راكەتكاسى ەلەنا رىباكينا اقش-تا ءوتىپ جاتقان ينديان-ۋەللس ماستەرس ءتۋرنيرىنىڭ ءۇشىنشى اينالىمىنا شىقتى، دەپ حابارلايدى اlmaty-akshamy.kz
جارىستى ەكىنشى اينالىمنان باستاعان قازاقستاندىق تەننيسشى 2020 جىلعى اۋستراليا اشىق چەمپيوناتىنىڭ جەڭىمپازى، قازىرگى كەزدە رەيتينگتە 170-ورىندا تۇرعان امەريكالىق سوفيا كەنينمەن كەزدەستى.
ە.رىباكينا تارتىستى باسەكەدە 7:6 (8:6)، 7:6 (7:5) ەسەبىمەن جەڭىسكە جەتتى.
ەكى ساعات 8 مينۋتقا سوزىلعان ماچتا قازاقستاندىق سپورتشى 6 ەيس جاساپ، 6 برەيك-پوينتتىڭ ەكەۋىن ءوز ەسەبىنە جازدى. س.كەنين ەيس جاساماعانىمەن، 7 برەيك-پوينتتىڭ ەكەۋىن پايدالاندى.
ە.رىباكينا كەلەسى اينالىمدا يسپانيالىقتار، الەمنىڭ 22-راكەتكاسى پاۋلا بادوسا نەمەسە رەيتينگتە 88-ساتىداعى نۋريا پارريزاس-دياستىڭ بىرەۋىمەن شەبەرلىك بايقاسادى.
جۇلدە قورى 8،8 ملن اقش دوللارىنا باعالانعان ينديان-ۋەللس WTA 1000 دوداسى 19 ناۋرىزعا دەيىن جالعاسادى. وندا وتكەن جىلى الەمنىڭ 1-راكەتكاسى، پولشا وكىلى يگا شۆەنتەك چەمپيون اتانعان ەدى.