رىباكينا رەسەيلىك تەننيسشىمەن جۇپتىق سىندا فينالعا شىقتى
قازاقستاننىڭ ءبىرىنشى راكەتكاسى ەلەنا رىباكينا مەن رەسەي سپورتشىسى ۆەرونيكا كۋدەرمەتوۆا ينديان -ۋەللستەگى ءتۋرنيردىڭ فينالىنا شىقتى، دەپ حابارلايدى Almaty-akshamy.kz Olympic.kz-كە سىلتەمە جاساپ.
جارتىلاي فينالدا قازاقستاندىق-رەسەيلىك دۋەت ليۋدميلا كيچەنوكتى (ۋكراينا) / ەلەنا وستاپەنكونى (لاتۆيا) 6:4، 6:3 ەسەبىمەن ۇتتى.
ەكەۋارا كەزدەسۋ 1 ساعات 16 مينۋتقا سوزىلدى. رىباكينا مەن كۋدەرمەتوۆا ءۇش رەت ەيس ورىندادى، ءبىر قوس قاتە جاسادى جانە 14 -تەن التى ءۇزىلىس ۇپايىن جۇزەگە اسىردى. فينالدا ەلەنا مەن ۆەرونيكا ءتۋرنيردىڭ ەكىنشى جۇبى - سيە شۋۆەيگە (تايۆان) / ەليس مەرتەنسكە (بەلگيا) قارسى وينايدى.
ايتا كەتەرلىگى، ينديان-ۋەللستە ءوتىپ جاتقان جارىستىڭ جەكەلەي سىندا قازاقستاندىق وتانداسىمىز يۋليا پۋتينسيەۆا ەكىنشى اينالىمنان توقتاعان بولاتىن.