قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا دۋباي WTA 1000 ءتۋرنيرىنىڭ شيرەك فينالىنا شىقتى، دەپ حابارلايدى اlmaty-akshamy.kz
قازاقستاندىق تەننيسشى ءۇشىنشى اينالىمدا دۇنيەجۇزىلىك رەيتينگىدە 53-ورىندا تۇرعان پولشا وكىلى ماگدالەنا فرەنحپەن شەبەرلىك بايقاستى.
وسىعان دەيىن قارسىلاستار 2018 جىلى تايبەيدەگى تۋرنيردە كەزدەسىپ، وندا ە.رىباكينا 6:3، 6:4 ەسەبىمەن باسىم تۇسكەن ەدى.
بۇل جولى ءبىرىنشى پارتيادا ەسەپ 3:3 بولعان مەزەتتە پولياك سپورتشىسى برەيك جاساپ كەتتى. دەگەنمەن ول سەتكە دوپ بەرگەندە، ەلەنا تارازى باسىن تەڭەستىردى – 5:5. تاي-برەيكتە 2:5 ەسەبىمەن ۇتىلىپ جاتىپ، قاتارىنان بەس دوپتى ءوز ەسەبىنە جازدى – 7:6 (7:5).
ەكىنشى سەتتى م.فرەنح برەيكپەن باستادى – 3:0. بۇدان كەيىن رىباكينا ەسەپتى قىسقارتقانىمەن، قارسىلاسىنىڭ قايتا باسىمدىلىق الۋىنا مۇمكىندىك بەرىپ قويدى – 2:4. اقىرى پارتيا فرەنحتىڭ ەنشىسىندە كەتتى – 6:3.
ءۇشىنشى، شەشۋشى پارتيادا ەسەپ 5:4 بولعان كەزدە رىباكينا برەيك جاساي الدى – 6:4.
تارتىستى ءوتىپ، 2 ساعات 39 مينۋتقا سوزىلعان باسەكە بارىسىندا ە.رىباكينا 13 ەيس جاساپ، 8 برەيك-پوينتتىڭ ۇشەۋىن پايدالاندى. م.فرەنح 3 ەيس، 3 برەيكپەن (9 برەيك-پوينت) كوزگە ءتۇستى.
ەلەنا رىباكينا جۇلدە قورى 3،2 ملن اقش دوللارىنان اساتىن دودانىڭ جارتىلاي فينالىنا شىعۋ ءۇشىن الەمنىڭ 26-راكەتكاسى، يتاليالىق ياسمينا پاولينيمەن تالاسادى. ول ءۇشىنشى اينالىمدا كۇتپەگەن جەردەن الەمنىڭ 11-راكەتكاسى، گرەكيالىق ماريا ساككاريدى جولدان تايدىردى – 6:4، 6:2.
ە.رىباكينا وتكەن جىلى دۋباي دوداسىندا ءۇشىنشى اينالىمنان اسا الماعان ەدى.
تاعى ءبىر قازاقستاندىق، جۇپتىق سىندا رەيتينگىدە 47-ورىنداعى اننا دانيلينا دۋبايدا قىتايلىق شۋاي چجانمەن بىرگە شيرەك فينالعا شىعا المادى. ولار جارىستىڭ 2-راكەتكالارى، كانادالىق گابريەلا دابروۆسكي - جاڭا زەلانديالىق ەرين رۋتليفكە جول بەردى – 7:5، 2:6، 6:10.