جۇلدە قورى 611 210 ەۋروعا باعالانعان جارىس 9 قازاندا مارەگە جەتەدى
قازاقستاننىڭ ءبىرىنشى، الەمنىڭ 26-راكەتكاسى ەلەنا رىباكينا وستراۆا (چەحيا) WTA 500 ءتۋرنيرىنىڭ ەكىنشى اينالىمىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى باستاپقى كەزدەسۋىن الەمنىڭ 17-راكەتكاسى، امەريكالىق مەديسون كيزبەن وتكىزدى.
بيىل اقش-تاعى سينسينناتي جارىسىندا م. كيز ەلەنانى 6:2، 6:4 ەسەبىمەن ۇتقان بولاتىن.
بۇل جولى ءبىرىنشى پارتيادا امەريكالىق سپورتشى باسىمدىلىق تانىتتى - 7:5.
ەسەسىنە ەكىنشى سەتتە ە. رىباكينا ويىن تىزگىنىن ءوز قولىنا الدى - 6:3.
سودان كەيىن ءۇشىنشى، شەشۋشى پارتيادا دا كيزدى تىعىرىققا تىرەي ءبىلدى - 6:3.
ەكى ساعات 15 مينۋتقا سوزىلعان تارتىستى باسەكە بارىسىندا ەلەنا 7 ەيس جاساپ، 14 برەيك-پوينتتىڭ بەسەۋىن پايدالاندى. قارسىلاسى 2 ەيس، 3 برەيكپەن كوزگە ءتۇستى.
ە. رىباكينا شيرەك فينالعا شىعۋ ءۇشىن الەمنىڭ 16-راكەتكاسى، لاتۆيالىق ەلەنا وستاپەنكو نەمەسە رەيتينگىدە 31-ساتىداعى بەلارۋس وكىلى الەكساندرا ءساسنوۆيچتىڭ بىرەۋىمەن تالاسادى.
جۇلدە قورى 611 210 ەۋروعا باعالانعان جارىس 9 قازاندا مارەگە جەتەدى.
ەسكە سالا كەتەيىك، بۇدان بۇرىن ەلەنا رىباكينانىڭ الەمدىك رەيتينگىدە ءبىر ساتىعا تومەندەگەنىن جازعان بولاتىنبىز.
سونداي-اق، قازاقستاندىق تەننيسشى الەمدىك رەيتينگىدە توپ-200-گە جۋىقتادى.
اتاقتى تەننيسشى نوۆاك دجوكوۆيچ استاناعا ۇشىپ كەلدى.