قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا اقش اشىق چەمپيوناتىن جەڭىسپەن باستادى، دەپ حابارلايدى Almaty-akshamy.kz.
قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 39-ورىندا تۇرعان ۋكراينالىق مارتا كوستيۋكپەن شەبەرلىك بايقاستى.
ءبىرىنشى پارتيادا ە.رىباكينا 2:0 ەسەبىمەن العا شىقتى. بۇدان كەيىن م.كوستيۋك ەسەپتى قىسقارتقانىمەن، قازاقستاندىق سپورتشى سەتتى تاعى ءبىر برەيكپەن تۇيىندەدى – 6:2.
ەكىنشى سەتتە ەلەنا قارقىنىن ءتىپتى ۇدەتتى – 6:1.
ساعات جارىمعا جۋىق ۋاقىتقا سوزىلعان باسەكە بارىسىندا ە.رىباكينا 2 ەيسپەن بىرگە 12 برەيك-پوينتتىڭ بەسەۋىن ءمۇلت جىبەرمەدى. قارسىلاسى 4 ەيس، 1 برەيكپەن (5 برەيك-پوينت) كوزگە ءتۇستى.
ەلەنا رىباكينا ءۇشىنشى اينالىمعا شىعۋ ءۇشىن الەمنىڭ 122-راكەتكاسى، ماجارستاندىق پاننا ۋدۆاردي نەمەسە رەيتينگتە 127-ساتىداعى اۋستراليالىق ايلا ءتومليانوۆيچتىڭ بىرەۋىمەن تالاسادى.
وتكەن جىلى قازاقستاندىق تەننيسشى اقش بىرىنشىلىگىندە العاشقى اينالىمنان اسا الماي قالعان ەدى.