ەلەنا رىباكينا «التىن ادام» سىيلىعىنىڭ لاۋرەاتى اتاندى

ءتۇرلى سالاداعى جىل ۇزدىكتەرىنە «التىن ادام» سىيلىقتارى تاپسىرىلادى.

قازاقستاندىق تەننيسشى ەلەنا رىباكينا «التىن ادام» سىيلىعىنىڭ لاۋرەاتى اتاندى، دەپ حابارلايدى Almaty-akshamy.kz قازاقستان تەننيس فەدەراسياسىنىڭ باسپا ءسوز قىزمەتىنە سىلتەمە جاساپ.

ەلەنا رىباكينا «سپورتتاعى جىل سەرپىلىسى» اتالىمى بويىنشا ۇزدىك شىقتى. بيىل ول قازاقستان تەننيسى تاريحىندا العاش رەت جەكەلەي سىندا ۋيمبلدوندا توپ جاردى. سونداي-اق تاعى ەكى WTA ءتۋرنيرىنىڭ جەڭىمپازى اتاندى.

ايتا كەتەيىك، بۇل بايقاۋدى «ەۋرازيا جىل ادامى» ۇيىمداستىرۋ كوميتەتى 2000 جىلدان بەرى وتكىزىپ كەلەدى. ءتۇرلى سالاداعى جىل ۇزدىكتەرىنە «التىن ادام» سىيلىقتارى تاپسىرىلادى. ونى انىقتاۋ ءۇشىن تۇرعىندار اراسىندا ساۋالداما جۇرگىزىلىپ، ساراپشىلار داۋىس بەرەدى، ۇيىمداستىرۋ كوميتەتى تالداۋ جاساپ، قازىلار القاسى ۇزدىكتەردى تاڭدايدى.

«التىن ادام» سىيلىعىن ءار جىلدارى ولگا شيشيگينا، يليا يلين، الەكساندر ۆينوكۋروۆ، ەلەنا حرۋستاليەۆا، گەنناديي گولوۆكين، دميتريي بالاندين، فيرۋزا ءشارىپوۆا، قازبەك ۆالييەۆ، زۋلفيا گابيدۋللينا جانە باسقا دا سپورتشىلار العان.