قازاقستاندىق تەننيسشى 5090 ۇپاي جينادى.
ريم WTA 1000 ءتۋرنيرىنىڭ چەمپيونى اتانعان ەلەنا رىباكينا الەمنىڭ ءتورتىنشى راكەتكاسى اتاندى، دەپ حابارلايدى اlmaty-akshamy.kz.
قازاقستاندىق تەننيسشى 5090 ۇپاي جيناپ، WTA رەيتينگىسىندە 6-دان 4-ساتىعا كوتەرىلدى.
ەلەنا ءتورتىنشى ورىنداعى فرانسيالىق كارولين گارسيانى (5025 ۇپاي) دا باسىپ وزدى.
ريم ماستەرس تۋرنيرىندە جەڭىسكە جەتكەنى ءۇشىن ە.رىباكينا 1 مىڭ رەيتينگىلىك ۇپايعا قوسا 521 754 ەۋرو تابىس تاپتى.
فينالدان كەيىن قازاقستاندىق تەننيسشى قارسىلاسى انگەلينا كالينينانى دوسىم دەپ اتاپ، جاراقاتىنان تەزىرەك ساۋىعىپ، رولان گارروس جارىسىندا تابىستى ونەر كورسەتۋىنە تىلەكتەستىگىن ءبىلدىردى. سونىمەن قاتار بارلىق جانكۇيەرلەرگە العىسىن ايتىپ، جاڭبىرعا بايلانىستى ءجيى-جيى كەيىنگە قالدىرىلعان ويىنداردىڭ وڭاي بولماعانىن جەتكىزدى.