قازاقستاندىقتار ىشكى ىستەر مينيسترلىگىنە ەلەكتروسكۋتەرلەردى جالعا بەرۋگە تىيىم سالۋدى سۇراپ، پەتيسيا جولدادى، دەپ حابارلايدى aqshamnews.kz
پەتيسيا اۆتورلارى ەلەكتروساموكاتتاردىڭ جاياۋ جۇرگىنشىلەر ءۇشىن ءقاۋىپتى جاعداي تۋعىزاتىنىن جانە ولاردىڭ قوزعالىسىنا كەدەرگى كەلتىرەتىنىن اتاپ ءوتتى. ولار بۇل ماسەلەنى شەشۋ ءۇشىن ەلەكتروساموكاتتاردى جالعا بەرۋ قىزمەتىنە تىيىم سالۋدى سۇراۋدا.
جاڭا پەتيسيا epetition.kz سايتىندا جاريالاندى. ونىڭ اۆتورى بۇل قىزمەتتىڭ قالاداعى قوزعالىس تيىمدىلىگىن ارتتىرۋ، كەپتەلىستەردى ازايتۋ جانە كولىك شىعىندارىن تومەندەتۋ سەكىلدى ارتىقشىلىقتارىن اتاپ وتەدى.
الايدا، ەلەكتروساموكاتتاردىڭ قالا كوشەلەرىندە پايدا بولۋى الماتىدا جاياۋ جۇرگىنشىلەردىڭ قوزعالىسىن ءقاۋىپتى جانە ىڭعايسىز ەتكەنىن العا تارتادى.
پەتيسيادا ەلەكتروساموكاتتاردىڭ جاياۋ جۇرگىنشىلەر ايماقتارىمەن ءجۇرۋى، بالالار مەن ەرەسەكتەردىڭ قاۋىپسىزدىگىن قاتەرگە تىگۋى تۋرالى جازىلعان. اۆتوردىڭ ايتۋىنشا، الماتىدا بۇل جاعدايدى رەتتەۋ شارالارى جەتكىلىكسىز بولىپ وتىر، ءتىپتى زاڭنامالىق وزگەرىستەر دە اسەرىن تيگىزبەگەن.
اۆتورلار پاريج قالاسىنداعى تاجىريبەنى مىسالعا كەلتىرىپ، ول جاقتا ەلەكتروساموكاتتاردى جالعا الۋعا تىيىم سالىنعانىن، سەبەبى بۇل قالا تۇرعىندارىنىڭ قاۋىپسىزدىگىنە زيان كەلتىرگەنىن العا تارتادى.
قازاقستاندىقتار دا وسىعان ۇقساس شارا قابىلداۋ ارقىلى جاياۋ جۇرگىنشىلەردىڭ قاۋىپسىزدىگىن قامتاماسىز ەتۋدى سۇرايدى.