2022 جىلدىڭ باسىنان باستاپ ەلەكتروندىق ەڭبەك بيرجاسى ارقىلى حالىقتى جۇمىسپەن قامتۋ ورتالىقتارىنىڭ قىزمەتتەرىن ۇسىنۋ جونىندەگى پيلوتتىق جوبا شەڭبەرىندە جۇمىس ىزدەپ جۇرگەن 157،8 مىڭ ادام تىركەلدى، ونىڭ ىشىندە 141،5 مىڭ ادام جۇمىسسىز مارتەبەسىن الدى، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بۇل رەتتە جۇمىس ىزدەپ جۇرگەن ادامدار مەن رەسمي جۇمىسسىزداردىڭ ىشىنەن تۇراقتى جانە ۋاقىتشا جۇمىس ورىندارىنا ەەب ارقىلى 39،7 مىڭ ادام جۇمىسقا ورنالاستىرىلدى. ال 23،8 مىڭ جۇمىسسىز ازاماتقا ەەب ارقىلى جۇمىسىنان ايىرىلۋ جاعدايى بويىنشا الەۋمەتتىك تولەم تاعايىندالدى.
وسىلايشا، سيفرلىق جۇمىسپەن قامتۋ ورتالىقتارى ارقىلى جۇمىسقا ورنالاسقانداردىڭ ۇلەسى جۇمىس ىزدەپ جۇرگەن ادامدار رەتىندە تىركەلگەن ىزدەۋشىلەردىڭ جانە ەەب-داعى جۇمىسسىزداردىڭ جالپى سانىنىڭ 25%-ىن قۇرادى.
ءقازىر ەەب-مەن بارلىق حالىقتى جۇمىسپەن قامتۋ ورتالىقتارى ينتەگراسيالانعان، سونىڭ ارقاسىندا كورسەتىلەتىن سيفرلىق مەملەكەتتىك قىزمەتتەر بۇكىل قازاقستان بويىنشا قولجەتىمدى. جۇمىسپەن قامتۋ قىزمەتتەرى ءۇشىن وتىنىشتەردىڭ كەمىندە 50% - ى ونلاين رەجيمگە وتەدى.
ەستەرىڭىزگە سالا كەتەيىك، ەەب ارقىلى مەملەكەتتىك قىزمەتتىڭ ءتورت ءتۇرىن الۋعا بولادى:
– جۇمىس ىزدەپ جۇرگەن ادامداردى تىركەۋ؛
– جۇمىسسىزداردى تىركەۋ؛
– جۇمىسىنان ايىرىلعان جاعدايدا تولەنەتىن الەۋمەتتىك تولەمگە ءوتىنىم بەرۋ؛
– مەملەكەت سۋبسيديالايتىن جۇمىس ورىندارىنا (الەۋمەتتىك جۇمىس ورىندارى، قوعامدىق جۇمىستار، جاستار پراكتيكاسى، «العاشقى جۇمىس ورنى»، «ۇرپاقتار كەلىسىمشارتى» جانە «كۇمىس جاس» جوبالارى) جولداما الۋ.
2021 جىلى جۇمىس ىزدەپ جۇرگەن 149،1 مىڭ ادام ونلاين-فورماتتا تىركەلگەن نەمەسە بۇل جالپى تىركەلگەندەر سانىنىڭ 34%-ى، ال ونىڭ ىشىندە ازاماتتاردىڭ 60%-ى جۇمىسقا ونلاين ورنالاستىرىلدى.