قارجى مينيسترلىگى مەملەكەتتىك كىرىستەر كوميتەتى باقىلاۋ دەپارتامەنتىنىڭ ديرەكتورى ەلدوس ساۋدابايەۆ ەلەكتروندى شىلىم كىرگىزۋشىلەر بيۋدجەتكە قانشا سالىق تولەگەنىن ايتتى، دەپ حابارلايدى اlmaty-akshamy.kz.
دەپارتامەنت ديرەكتورىنىڭ سوزىنشە، 2023 جىلدىڭ 8 ايىندا ەلەكتروندى شىلىمعا قولدانىلاتىن 14 655 ليتر سۇيىقتىق اكەلىنگەن.
«بۇل سالادا تولەنگەن سالىق پەن كەدەندىك باجدىڭ جالپى سوماسى 1 ملرد 914 ملن تەڭگە بولسا، ونىڭ 778 ملن تەڭگەسى اكسيز، 100 ملن تەڭگەسى كەدەندىك باج، 1 ملرد 36 ملن تەڭگەسى قوسىلعان قۇن سالىعى»، - دەدى ەلدوس ساۋدابايەۆ.
ايتا كەتۋ كەرەك، قازاقستاندا ەلەكتروندى شىلىم يمپورتىنا تۇبەگەيلى تىيىم سالۋ ماسەلەسى قىزۋ تالقىلانىپ كەلەدى. ءتىپتى ءماجىلىس دەپۋتاتى نۇرگۇل تاۋ پرەمەر-مينيستردىڭ اتىنا دەپۋتاتتىق ساۋال دا جولداعان بولاتىن. ەلەكتروندى شىلىمنىڭ يمپورتىنا قارسى توپ كامەلەتكە تولماعان قازاقستاندىقتار اراسىندا ۆەيپتىڭ كەڭ تارالعانىنا الاڭداۋلى.