بۇل تۋرالى ق ر ەنەرگەتيكا ۆيسە-مينيسترى جاندوس نۇرماعانبەتوۆ مالىمدەدى.
ەلەكتر ەنەرگياسىنا ارنالعان تاريفتەر «ەلەكتر ەنەرگەتيكاسى تۋرالى» ق ر زاڭىنا سايكەس 7 جىلعا بەلگىلەنەدى، دەپ حابارلايدى Almaty-akshamy.kz
بۇل رەتتە ەنەرگيا ءوندىرۋشى ۇيىمداردىڭ ەلەكتر ەنەرگياسىن وندىرۋگە جۇمساعان شىعىندارى ءىس جۇزىندە ۇلعايعان جاعدايدا، ەنەرگيا ءوندىرۋشى ۇيىمدار شەكتى تاريفتەردى تۇزەتۋگە ۋاكىلەتتى ورگانعا ءوتىنىم بەرۋگە قۇقىلى. ونىڭ ايتۋىنشا، 2022 جىل ىشىندە ەنەرگيا ءوندىرۋشى ۇيىمدارعا تاۋەلسىز شىعىنداردىڭ ۇلعايۋى بولجانىپ وتىر.
«بوگاتىر-كومىر رازرەزىنەن كومىر قۇنىنىڭ ءوسۋى بولجانۋدا: 2022 جىلعى 1 تامىزدان باستاپ 7%-عا؛ 1 قىركۇيەكتەن باستاپ 5%-عا؛ 1 جەلتوقساننان باستاپ 5%-عا. جالپى، 2022 جىل ىشىندە كومىردىڭ قۇنى 30%-عا ارتادى. تەمىرجولدار بويىنشا كومىردى جەتكىزۋ باعاسى 2022 جىلدىڭ باسىنان قازاقستان بويىنشا ورتاشا ەسەپپەن 5%-عا ءوستى. بۇدان باسقا، 2022 جىلعى 1 شىلدەدەن باستاپ قازاقستان بويىنشا تاۋار گازىنىڭ قۇنى ەنەرگيا ءوندىرۋشى ۇيىمدار ءۇشىن ورتا ەسەپپەن 15%-عا ءوستى»، - دەدى سپيكەر.
شەكتى تاريف جوباسىندا سونداي-اق مەملەكەت باسشىسىنىڭ تاپسىرماسىن ورىنداۋ شەڭبەرىندە ستانسيا پەرسونالىنىڭ جالاقىسىن كوتەرۋ ماسەلەسى قاراستىرىلعان. وسىعان بايلانىستى توپتار بويىنشا شەكتى تاريفتەردى تۇزەتۋ جۇزەگە اسىرىلدى. ەنەرگيا ءوندىرۋشى 47 ۇيىمنىڭ 26-سىنان ءوتىنىم بەرىلدى. ولاردى قاراۋ كەزىندە ءاربىر جاعداي بويىنشا جەكە ءتاسىل قولداندى. ۋاقىتىلى شەشىمدى تالاپ ەتەتىن وتىنىمدەر نازارعا الىندى.