ەلەكتر ەنەرگياسى كەلەسى ايدان باستاپ قىمباتتاۋى مۇمكىن

ەلەكتر ەنەرگياسى كەلەسى ايدان باستاپ قىمباتتاۋى مۇمكىن سۋرەت: qazaly.kz

ەنەرگەتيكا مينيسترلىگى ەلەكتر ەنەرگياسىنا شەكتى تاريفتەردى بەكىتۋگە نيەتتى.

بيىل 1 اقپاننان باستاپ قازاقستاندا ەلەكتر ەنەرگياسى قىمباتتاۋى مۇمكىن، دەپ حابارلايدى aqshamnews.kz

ءبىرىڭعاي ساتىپ الۋشى ءۇشىن ەلەكتر ەنەرگياسىنىڭ قۇنى كۆت/ساعاتىنا شامامەن 2 تەڭگەگە (3 سەنت) ءوسۋى مۇمكىن. ۆەدومستۆو بۇيرىقتى "اشىق نقا" پورتالىنا ورنالاستىردى. سونداي-اق مينيسترلىك ەنەرگيا ءوندىرۋشى 36 ۇيىم 1 اقپاننان باستاپ ەلەكتر ەنەرگياسىنىڭ شەكتى ءتاريفىن تۇزەتۋگە ءوتىنىم بەرگەنىن حابارلادى.

ەلەكتر باعاسىن كوتەرۋدەگى نەگىزگى ماقسات - وندىرىستىك مامانداردىڭ جالاقىسىن ارتتىرۋ. بىلتىر ورتاشا جالاقى 18%-كە ارتىپ، 425 مىڭ تەڭگە بولدى. ال بيىل 15-20%-كە ۇلعايتۋ جوسپارلانۋدا، بۇل ورايدا جالاقى ورتاشا ەسەپپەن 490 مىڭ تەڭگەگە كوتەرىلەدى.

"ەنەرگەتيكا سەكتورىندا بىلىكتى مامان تاپشى. ەنەرگەتيكا كاسىپورىندارىندا 4،5 مىڭ مامان جەتىسپەيدى. 2024 جىلعى 1 قاڭتارداعى جاعداي بويىنشا قىزمەتكەرلەردىڭ ناقتى سانى 52،5 مىڭ ادام بولدى. جالاقىنى ۇلعايتۋ سالاداعى مامانداردى تارتۋعا جانە ۇستاپ قالۋعا باعىتتالعان"، - دەپ حابارلادى ەنەرگەتيكا مينيسترلىگى.

سونىمەن قاتار وتىن ساتىپ الۋ جانە كومىر مەن گازدى تاسىمالداۋ شىعىندارى ارتتى. ءتاريفتى تۇزەتۋگە اسەر ەتەتىن فاكتورلار: جوندەۋ ناۋقانى، ەنەرگيا ءوندىرۋشى وبەكتىلەردىڭ، ونىڭ ىشىندە مەتالدىڭ قىمباتتاۋى. وبەكتىلەردىڭ تۇراقتى جۇمىس ىستەۋىنە قاجەتتى ماتەريالدار مەن جابدىقتار جانە تاسىمالداۋ قۇنى وسكەن.

"قازىرگى ۋاقىتتا ەنەرگيا ءوندىرۋشى ۇيىمداردىڭ وتىنىمدەرى قاراۋ ساتىسىندا تۇر. بارلىق ۇسىنىس تۇتىنۋشىلاردىڭ مۇددەلەرى مەن سالانىڭ تۇراقتى دامۋى اراسىنداعى تەپە-تەڭدىكتى ساقتاۋ ءۇشىن مۇقيات تالدانادى"، - دەپ اتاپ ءوتتى ەنەرگەتيكا مينيسترلىگى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

14:11

12:19

11:48

11:32

11:07

10:21

20:29

20:25

18:55

18:00

17:47

17:37

17:20

17:11

17:10

16:21

16:09

15:51

15:18

15:16

15:14

15:10

15:07

14:28

14:27