«قازگيدرومەت» مامىردا قۇرعاقشىلىق بولۋى مۇمكىن وڭىرلەردى اتادى.
سينوپتيكتەر مامىردا استىق ەگىلەتىن وڭىرلەردە ىلعالدانۋ جاعدايى نورماعا جاقىن بولادى دەپ بولجاپ وتىر، دەپ حابارلايدى Almaty-akshamy.kz.
«قوستاناي وبلىسىنىڭ قاراسۋ اۋدانىندا، اقمولا وبلىسىنىڭ اقكول، اتباسار جانە استراحان اۋداندارىندا، شىعىس قازاقستان وبلىسىنىڭ كۇرشىم، گلۋبوكوە، زىريان، ۇلان، كاتونقاراعاي اۋداندارىندا جانە وسكەمەن قالاسىندا، سونداي-اق الماتى وبلىسىنىڭ تالعار اۋدانىندا وڭتايلى ىلعالدانۋ جاعدايى بولجانادى»، - دەلىنگەن حابارلامادا.
بۇل رەتتە قىزىلوردا وبلىسىنىڭ ارال جانە قازالى اۋداندارىندا قۇرعاقشىلىق كۇتىلەدى. مۇندا مامىردا اۋا تەمپەراتۋراسى جوعارىلاپ، جاۋىن-شاشىن جاۋماۋى مۇمكىن.