ەلدىڭ باسىم بولىگىندە تۇمان تۇسەدى
"قازگيدرومەت" اۋا رايىنا بايلانىستى ەسكەرتۋ جاريالادى، دەپ حابارلايدى Almaty-akshamy.kz
تۇندە جانە تاڭەرتەڭ اقمولا وبلىسىنىڭ وڭتۇستىگىنە تۇمان تۇسەدى. تۇندە اقتوبە وبلىسىنىڭ سولتۇستىك-شىعىسىندا كوكتايعاق كۇتىلەدى.
تۇستەن كەيىن الماتى وبلىسىنىڭ باتىسى مەن وڭتۇستىگىندە نايزاعاي وينايدى. شىعىستان سوققان جەل وڭتۇستىك-باتىسقا اۋىسىپ، كۇندىز وبلىستىڭ باتىسى، وڭتۇستىگى مەن شىعىسىندا 15-20، ەكپىنى 25 م/س-كە جەتەدى.
وڭتۇستىك-شىعىستان سولتۇستىك-شىعىسقا قاراي جەل سوعادى. تاراز قالاسىندا كۇندىز نايزاعاي وينايدى. جەلدىڭ باعىتى وڭتۇستىك-شىعىستان سولتۇستىك-شىعىسقا اۋىسىپ، كۇندىز ەكپىنى 15-20 م/س-كە جەتەدى.
باتىس قازاقستان وبلىسىنىڭ سولتۇستىگىنە تۇمان تۇسەدى. ورال قالاسىندا تۇندە جانە تاڭەرتەڭ تۇمان كۇتىلەدى.
تۇندە قاراعاندى وبلىسىنىڭ سولتۇستىگىنە، ورتالىعىنا تۇمان ءتۇسىپ، كۇندىز وبلىستىڭ وڭتۇستىك-شىعىسىندا نايزاعاي وينايدى. قاراعاندى قالاسىندا تۇندە تۇمان بولادى.
تۇندە جانە تاڭەرتەڭ قوستاناي وبلىسىنىڭ وڭتۇستىك-باتىسىنا تۇمان ءتۇسۋى ىقتيمال. وبلىستىڭ وڭتۇستىك-باتىسىنان، وڭتۇستىگىنەن، باتىسىنان، سولتۇستىگىنەن 15-20 م/س جەل سوعادى، كۇندىز ەكپىنى 23 م/س-كە جەتەدى.
سولتۇستىك-باتىستان، سولتۇستىكتەن، وبلىستىڭ سولتۇستىك-شىعىسىنان جىلدامدىعى 15-20 م/س جەل ەسەدى. نۇر-سۇلتان قالاسىندا تۇندە جانە تاڭەرتەڭ تۇمان كۇتىلەدى.
تۇندە پاۆلودار وبلىسىنىڭ وڭتۇستىك-باتىسىندا تۇمان تۇسەدى.
تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىنە تۇمان تۇسەدى. پەتروپاۆل قالاسىندا وڭتۇستىك-باتىستان، باتىستان جەل سوعادى، ەكپىنى 15-20 م/س-كە جەتەدى، وڭتۇستىك-باتىستان، باتىستان سوققان جەلدىڭ ەكپىنى 15-20 م/س بولۋى مۇمكىن.
تۇركىستان وبلىسىنىڭ تاۋلى اۋداندارىندا كۇن كۇركىرەپ، داۋىل بولادى. وبلىستىڭ وڭتۇستىگىندە وڭتۇستىك-باتىستان 15-20 مەتر جىلدامدىقپەن جەل سوعادى.
شىمكەنتتە 7 ساۋىردە وڭتۇستىك-باتىستان سوققان جەلدىڭ ەكپىنى سەكۋندىنا 15-20 مەترگە جەتەدى.