پرەمەر-مينيستر ولجاس بەكتەنوۆتىڭ قازاقستاندىقتاردى رەسپۋبليكا كۇنىمەن قۇتتىقتادى، دەپ حابارلايدى aqshamnews.kz
قۇرمەتتى وتانداستار! بارشاڭىزدى ۇلتتىق مەرەكەمىز – رەسپۋبليكا كۇنىمەن شىن جۇرەكتەن قۇتتىقتايمىن!
مەملەكەت باسشىسى ايتۋلى كۇننىڭ تاريحي تاعىلىمىن ەل جادىندا قايتا جاڭعىرتىپ، مىزعىماس بىرلىكتىڭ، بەيبىتشىلىك پەن كەلىسىمنىڭ بەرىك تۇعىرىنا اينالدىردى.
ازاتتىقتىڭ العىشارتى دەربەستىك دەكلاراسياسى – حالقىمىزدىڭ سان عاسىرلىق ارمان-مۇراتى مەن قاجىرلى كۇرەسىنىڭ جەمىسى. ەلدىگىمىزدى نىعايتىپ، ىنتىماعىمىزدى بەكەمدەي تۇسەر مەرەيلى مەرەكە ۇلتىمىزدىڭ قيلى تاعدىرىمەن بىرگە ماڭگى جاساي بەرمەك.
ءبىزدىڭ باعىتىمىز – ايقىن. الدىمىزدا ادىلەتتى قازاقستاننىڭ قۇندىلىقتارىن باياندى ەتۋگە بارىمىزدى سالاتىن داڭعىل جول تۇر.
وسىناۋ ۇلى ماقساتقا جەتۋدە حالقىمىز اۋىزبىرشىلىك پەن ەڭبەكقورلىقتىڭ وزىق ۇلگىسىن كورسەتەدى دەپ سەنەمىن.
بۇكىل قازاقستاندىقتاردى ايشىقتى مەرەكەمەن قۇتتىقتايمىن. ەلىمىزگە تىنىشتىق، ءار شاڭىراققا باقىت، ەڭبەكتەرىڭىزگە تولايىم تابىس تىلەيمىن!