2023 جىلعى 20 جەلتوقسانداعى قازاقستان رەسپۋبليكاسى اۋىل شارۋاشىلىعى ءمينيسترى مىندەتىن اتقارۋشىسىنىڭ بۇيرىعىمەن اۋىلدىق ەلدى مەكەندەردە جانە شاعىن قالالاردا شاعىن نەسيە بەرۋ قاعيدالارى بەكىتىلدى، دەپ حابارلايدى اlmaty-akshamy.kz.
شاعىن نەسيەلەر ءوتىنىش بەرۋشىلەرگە مەرزىمى، تولەۋ، قايتارۋ، قامتاماسىز ەتۋ جانە ماقساتتى پايدالانۋ قاعيداتتارىن ساقتاي وتىرىپ، مىناداي شارتتاردا بەرىلەدى:
1) شاعىن نەسيە بەرۋ مەرزىمى – 5 (بەس) جىلعا دەيىن، مال شارۋاشىلىعى جوبالارىنا شاعىن نەسيە بەرۋ مەرزىمى – 7 (جەتى) جىلعا دەيىن؛
2) شاعىن نەسيەنىڭ ەڭ جوعارى مولشەرى 2 500 (ەكى مىڭ بەس ءجۇز) ايلىق ەسەپتىك كورسەتكىشكە دەيىن، اۋىل شارۋاشىلىعى كووپەراتيۆتەرىن دامىتۋ ءۇشىن – 8 000 (سەگىز مىڭ) ايلىق ەسەپتىك كورسەتكىشكە دەيىن.
بۇرىن الىنعان شاعىن نەسيە بويىنشا مىندەتتەمەلەردى تولىق ورىنداعان ۇمىتكەرلەردى قايتا نەسيەلەۋ كەزىندە شاعىن نەسيەنىڭ ەڭ جوعارى سوماسىنىڭ مولشەرى 8 000 (سەگىز مىڭ) ايلىق ەسەپتىك كورسەتكىشكە دەيىن ۇلعايادى. بۇل رەتتە، شاعىن نەسيە باعدارلاما ۇمىتكەرلەرىنىڭ قايتارىلعان قاراجاتى ەسەبىنەن بەرىلەدى، ءبىراق شاعىن نەسيەنىڭ ەڭ جوعارى مەرزىمىنىڭ 1/2 (ءبىر ەكىنشى) بولىگىنەن ەرتە ەمەس؛
3) نومينالدى سىياقى مولشەرلەمەسى-جىلدىق 2،5%-دان (ەكى ءبۇتىن وننان بەس) اسپايدى؛
4) كەپىلمەن قامتاماسىز ەتۋدىڭ بولۋى؛
5) نەگىزگى بورىش پەن سىياقىنى وتەۋ جونىندەگى جەڭىلدىكتى كەزەڭ شاعىن نەسيەلەۋ مەرزىمى ۇزاقتىعىنىڭ 1/3 (ۇشتەن بىرىنەن) اسپايتىن مەرزىمىن قۇرايدى؛
6) شاعىن نەسيە بەرۋگە ماقۇلداۋ العاننان كەيىن قازاقستان رەسپۋبليكاسىنىڭ سالىق زاڭناماسىنا سايكەس سالىق ورگاندارىندا دارا كاسىپكەر رەتىندە تىركەلۋ؛
ەلدى مەكەندەردىڭ (اكىمشىلىك باعىنىستىلىعىنا قاراماستان) جانە شاعىن قالالاردىڭ جەكە جانە زاڭدى تۇلعالارى اۋىل حالقىنىڭ كىرىستەرىن ارتتىرۋ جوباسىن ىسكە اسىرۋ شەڭبەرىندە شاعىن نەسيەلەر الۋعا ءوتىنىش بەرۋشىلەرگە مىنا ازاماتتار جاتادى:
1) جۇمىسسىزدار؛
2) دارا كاسىپكەر رەتىندە مەملەكەتتىك تىركەۋسىز كىرىس الۋ ماقساتىندا تاۋارلاردى ءوندىرۋ (وتكىزۋ)، جۇمىستاردى ورىنداۋ جانە قىزمەتتەر كورسەتۋ جونىندەگى قىزمەتتى دەربەس جۇزەگە اسىراتىن تۇلعالار جانە (نەمەسە) ارەكەتسىز دارا كاسىپكەرلەر؛
3) وتباسىلىق كاسىپكەرلىكتە اقى تولەنبەيتىن قىزمەتتى جۇزەگە اسىراتىن تۇلعالار؛
4) ساتۋ (ايىرباستاۋ) ءۇشىن جەكە قوسالقى شارۋاشىلىقتا ءونىم ءوندىرۋ جونىندەگى قىزمەتتى ءوز بەتىنشە جۇزەگە اسىراتىن، تابىسى ەڭ تومەنگى كۇنكورىس دەڭگەيىنەن تومەن تۇلعالار؛
5) «اۋىل شارۋاشىلىعى كووپەراتيۆتەرى تۋرالى» قازاقستان رەسپۋبليكاسىنىڭ زاڭىنا سايكەس قىزمەتىن جۇزەگە اسىراتىن اۋىل شارۋاشىلىعى كووپەراتيۆتەرى؛
6) ءىسىن جاڭا باستاعان جانە جۇمىس ىستەپ تۇرعان دارا كاسىپكەرلەر.
«اۋىل اماناتى» باعدارلاماسىن ىسكە اسىرۋعا 2024 جىلى رەسپۋبليكالىق بيۋدجەتتەن 100 ملرد تەڭگە سوماسىندا قاراجات ءبولىندى، ول 16 مىڭنان استام شاعىن نەسيە بەرۋگە باعىتتالادى. بۇل 17 مىڭنان استام جاڭا جۇمىس ورنىن قۇرۋعا مۇمكىندىك بەرەدى.